У калоніі «Віцьба» скончыў жыццё самагубствам расеец

Гэта адбылося ў канцы снежня 2024 года.

Грамадзянін Расеі наклаў на сябе рукі ў папраўчай калоніі №3 «Віцьба». Гэта адбылося ў канцы снежня 2024 года, паведамляюць праваабаронцы «Гомельскай Вясны».

50-гадовы грамадзянін Расеі быў асуджаны на 16 гадоў зняволення паводле «наркатычнага» артыкула. Зняволены прасіў перавесці яго ў Расею для адбывання пакарання. У РФ людзі, асуджаныя паводле такога артыкула, як кажуць праваабаронцы, маюць права на ўмоўна-датэрміновае вызваленне ці іншыя льготы. Раней у Беларусі даволі часта практыкаваліся такія пераводы, але на гэты раз расеец атрымаў адмову.

Мужчыну недалічыліся кантралёры на начной праверцы. Калі пачалі шукаць, то яго знайшлі мёртвым у летняй сушылцы для бялізны лакальнага ўчастка.

Былыя зняволеныя «Віцьбы-3» кажуць, што ў калоніі толькі на працягу 2024 года памерлі не менш за тры чалавекі. Яны абвінавачваюць ва ўсім адсутнасць належнай дыягностыкі захворванняў і лячэння.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com