У расейскім Валгаградзе пасля масаванага нападу беспілотнікаў знікла святло

Дроны атакавалі мясцовы НПЗ.

Уночы 3 лютага ўкраінскія беспілотнікі масавана атакавалі Валгаград, паведаміў губернатар Валгаградскай вобласці Андрэй Бачароў. «Большая частка БПЛА была перахопленая і нейтралізаваная. Пацярпелых няма», - адзначыў кіраўнік рэгіёну, піша The Moscow Times.

Са звестак Mash, а першай гадзіне ночы дроны з'явіліся ў Чырвонаармейскім і Савецкім раёнах. Беспілотнікі ляцелі на нізкай вышыні, а адзін з іх быў знішчаны проста за жылым домам, піша Shot. Пасля серыі выбухаў у названых раёнах знікла электрычнасць, якой не было на працягу некалькіх гадзін. Бачароў назваў тое, што адбылося, «кароткачасовымі перападамі напружання ў электрасетцы». «Электразабеспячэнне горада Валгаграда і прылеглых муніцыпальных утварэнняў ажыццяўляецца ў поўным аб'ёме», – паведаміў ён раніцай.

Мэтай беспілотнікаў быў мясцовы нафтаперапрацоўчы завод (НПЗ) — «Лукойл-Валгаграднафтаперапрацоўка», які размешчаны ў Чырвонаармейскім раёне. У выніку падзення абломкаў дронаў на прадпрыемстве ўзніклі «лакальныя ўзгаранні», якія былі «аператыўна лакалізаваныя», адзначыў Бачароў. Да гэтага завод зазнаў напад беспілотнікаў 31 студзеня - тады на яго тэрыторыі таксама пачаўся пажар. 15 студзеня на НПЗ таксама адбылося ўзгаранне, але аб прылёце дронаў у Валгаград нічога не паведамлялася. Завод «Лукойл-Валгаграднафтаперапрацоўка» - адзін з найбуйнейшых вытворцаў нафтапрадуктаў у Паўднёвай федэральнай акрузе. Магутнасць прадпрыемства складае 14,8 млн. тон.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com