У Менску завялі «крыміналку» на топ-кіраўнікоў адной з кампаній

Справа прыняла нечаканы паварот.

У Менску завялі «крыміналку» на топ-мэнэджараў адной з прыватных кампаній - на дырэктара і ягонаг намесніка, які таксама з'яўляецца і заснавальнікам гэтай фірмы. Але кіраўнік памёр, праз гэта на яго закрылі справу, піша «Зеркало» са спасылкай на Генеральную пракуратуру.

Як паведамляецца, Генпракуратура накіравала ў суд Першамайскага раёна Менска крымінальную справу аб дапамозе ва ўхіленні ад выплаты падаткаў у асабліва вялікай суме. Абвінавачаны - намеснік дырэктара ў знешнеэканамічнай дзейнасці адной з камерцыйных кампаній сталіцы. Ён таксама заснавальнік гэтай фірмы.

Яго абвінавачваюць у тым, што ў 2011—2018 гадах «дапамог дырэктару гэтай камерцыйнай арганізацыі ва ўхіленні ад выплаты падаткаў на суму каля 750 тысяч рублёў».

Крымінальны пераслед у дачыненні да самога кіраўніка фірмы спынілі праз яго смерць, а яго намесніка (і адначасова заснавальніка фірмы) – прыцягнулі да адказнасці.

«Такая «дапамога» сярод іншага выяўлялася ў выкарыстанні зарэгістраваных на імёны падстаўных асоб падкантрольных замежных кампаній, кіраванні іх разліковымі банкаўскімі рахункамі, забеспячэнні афармлення і памяшкання ў бухгалтарскі ўлік беларускай арганізацыі падробленых інвойсаў аб набыцці таварна-матэрыяльных каштоўнасцяў у падкантрольных арганізацый, а таксама аб кошце тавараў, сума якіх змянялася ў бок павелічэння ад фактычнага кошту іх набыцця ў замежных пастаўшчыкоў», - заяўляюць у Генпракуратуры.

Гэтай справай займалася галоўная Следчая ўправа Следчага камітэта.

Абвінавачаны заснавальнік фірмы знаходзіцца пад падпіскай аб нявыездзе і належных паводзінах. Генпракуратура заявіла пазоў у інтарэсах Мінфіна аб кампенсацыі шкоды на суму больш за 300 тысяч рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com