Летась на Гарадзенскім мясакамбінаце скарацілі больш за 400 чалавек

Прадпрыемства заняло 10 месца ў краіне паводле колькасці звольненых супрацоўнікаў.

На 15% скарацілася колькасць супрацоўнікаў Гарадзенскага мясакамбіната за дзевяць месяцаў 2024 года. На 1 студзеня на прадпрыемстве працавала 2832 чалавек, а на 1 верасня - ужо 2410. Як піша hrodna.life, звесткі пра беларускія арганізацыі, якія летась страцілі больш за ўсё супрацоўнікаў, апублікавалі “Кіберпартызаны”.

ААТ «Гарадзенскі мясакамбінат» заняў 10 месца ў краіне паводле колькасці звольненых супрацоўнікаў. Усяго за дзевяць месяцаў 2024 года ў Гарадзенскай вобласці звольнілі больш за 11 000 чалавек.

Якія яшчэ кампаніі з Гарадзенскай вобласці масава звальнялі супрацоўнікаў?

У топ-10 прадпрыемстваў у стратах супрацоўнікаў паводле інфармацыі "Кіберпартызан" уваходзяць яшчэ тры фірмы, зарэгістраваныя ў Гарадзенскай вобласці. Гэта "ЗахадХімТорг" з Іўе, якая кіравала сеткай крам "Выспа чысціні і смаку", а таксама звязаныя з ёй "ЗахадХімІнвест" і "ЗахадХімСэрвіс". Агулам яны звольнілі 3800 чалавек.

Кампаніі некалі паспяховага бізнэсоўца Віктара Рамука збанкрутавалі і падалі на ліквідацыю. Брэнд "Выспа чысціні" выкупіла кампанія "АйландГруп", якая зноў адкрыла частку крам восенню 2024 года.

Звальняюць з ЖКГ, заводаў і лякарняў

У многіх раёнах Гарадзенскай вобласці ў лідарах у скарачэнні супрацоўнікаў - камунальныя гаспадаркі. Зэльвенская ЖКГ страціла 27 супрацоўнікаў, Ваўкавыская камунальная гаспадарка - 46 чалавек, Скідзельская ЖКГ - 39, Іўеўская - 45.

Агракамбінат "Скідзельскі" страціў 81 чалавека, ААТ "Мастоўдрэў" — 62. Штат Воранаўскай раённай лякарні зменшыўся на 16 чалавек, Навагрудскай лякарні — на 24, Шчучынскай — на 31. На "Лідаспецаўтатранс" звольнілі 123 супрацоўнікаў — усіх, акрамя аднаго.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com