Reuters: Адміністрацыя Байдэна запавольвала пастаўкі зброі Украіне

Нават пасля таго, як грошы былі выдадзеныя Кангрэсам.

У апошні год прэзідэнцкага тэрміна Джо Байдэна прыняцце пастаноў аб ключавых пастаўках узбраення ва Украіну тармазілася праз бяздзейнасць Кангрэса і ўнутраных дэбатаў аб рызыках эскалацыі ў стасунках з РФ і асцярогамі, ці дастаткова амерыканскіх запасаў.

Пра гэта ў панядзелак, 3 лютага, піша агенцтва Reuters, правёўшы сваё расследаванне.

Сітуацыю пагаршала хаатычная сістэма адсочвання ўзбраенняў, у якой нават вызначэнне паняцця "пастаўлена" адрозніваецца ў розных вайсковых ведамствах ЗША, паведамляюць журналісты. Самымі праблемнымі сталі тыя месяцы, калі Кангрэсу спатрэбілася прыняць дадатковую дапамогу Украіне сумай на $60 мільярдаў, што было выклікана процідзеяннем рэспубліканцаў у Кангрэсе.

Аднак, паказвае Reuters, затрымкі працягваліся і пасля таго, як грошы былі выдадзеныя.

Уключаючы вялікі пакет дапамогі на красавік 2024 года, адміністрацыя Байдэна выдзяляла ў сярэднім амаль $558 мільёнаў на месяц да верасня, піша Reuters. Сярэдні кошт паставак рэзка ўзрос пасля перамогі Дональда Трампа ў прэзідэнцкай гонцы і дасягнуў узроўню, які не назіраўся з сярэдзіны 2023 года. Аднак аналіз, праведзены журналістамі, паказаў, што, нягледзячы на тое, што каманда Байдэна называла гэта "ўсплёскам" дапамогі з кастрычніка да дня інаўгурацыі, штомесячная дапамога ад ЗША дасягнула толькі сярэдняга штомесячнага аб'ёму на $1,1 млрд на месяц, устаноўленага ў першыя два гады вайны Расеі супраць Украіны.

Да лістапада было дастаўлена толькі блізу паловы ад агульнай даляравай сумы, якую ЗША абяцалі ў 2024 годзе з уласных запасаў, і толькі блізу 30% абяцаных бронемашын прыбылі да пачатку снежня, паводле звестак двух прадстаўнікоў Кангрэса, амерыканскай службовай асобы і заканадаўцы, знаёмых з гэтай інфармацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com