«Наперадзе нас ішлі карэйцы, але я іх бачыў толькі мёртвых»

Расейскі палонны расказаў пра страты вайскоўцаў КНДР.

Злобін Андрэй Валер'евіч з 11-й асобнай дэсантна-штурмавой брыгады войска РФ патрапіў у палон да ўкраінскіх дэсантнікаў у сяле Махноўка Курскай вобласці.

У 2023-м годзе Злобін паехаў у лес па дровы. Насек, прывёз дадому. Карная сістэма Расеі асудзіла Злобіна да 3,5 гадоў зняволення і пазбавіла афіцэрскага звання, якое атрымаў ва ўніверсітэце. Мужчына адседзеў амаль год, пакуль у красавіку 2024-га не прыехалі рэкруцёры ў войска РФ.

Пра гэта паведамілі Дэсантна-штурмавыя войскі Узброеных сілаў Украіны ў сваім тэлеграм-канале.

«Падпісаў кантракт, абяцалі, што буду “чысты” – не судзімы. Запэўнівалі, што паўгода паслужу і адпусцяць» – кажа Злобін.

За час вайны Злобін удзельнічаў у баявых дзеяннях і на тэрыторыі Украіны. Быў у Данецкай вобласці. Атрымаў некалькі раненняў. Пасля лячэння патрапіў на Куршчыну.

«Нас адправілі трымаць умацаваны раён каля Махноўкі. Занялі падвалы, ніхто нас доўга не мяняў, сувязі не было. У адзін дзень нас проста ў падвале ўзялі ў палон вашыя хлопцы» – скардзіцца Злобін.

«Наперадзе нас ішлі карэйцы, але я іх бачыў толькі мёртвых. Шмат. На вуліцах ляжалі», – запэўніў палонны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com