Мэдыі: Лукашыста з Гомеля будуць судзіць за сэксуальны гвалт

Працэс будзе закрытым.

У судзе Чыгуначнага раёна Гомеля 6 лютага пачнуць разглядаць справу Алега Сахіна. Яго абвінавачваюць у гвалтоўных дзеяннях сэксуальнага характару (арт.167 ч.3 КК). Працэс будзе закрытым, падрабязнасці справы невядомыя.

Частка 3 артыкула 167 прад'яўляецца за «дзеянні, учыненыя ў дачыненні да відавочна малалетняга (малалетняй), альбо якія пацягнулі з неасцярожнасці смерць пацярпелага (пацярпелай), альбо прычыненне цяжкіх цялесных пашкоджанняў, альбо заражэнне ВІЧ, альбо іншыя цяжкія наступствы». За гэта пагражае ад васьмі да пятнаццаці год.

Мужчына, які абвінавачаны ў гэтай справе, як высветліў «Флагшток», працаваў у Гомельскім дзяржаўным каледжы бытавога абслугоўвання. На старонцы каледжа ў сацыяльных сетках засталіся згадкі Сахіна як аўтара тэкстаў аб выхаваўчай рабоце з навучэнцамі. Пераважна ён пісаў аб так званым "патрыятычным выхаванні".

Таксама мужчына пісаў справаздачы аб удзеле моладзі каледжа ў ідэалагічных мерапрыемствах. Апошні з іх апублікаваны 18 верасня, ён расказвае пра святкаванне «Дня народнага адзінства». Пасля гэтага імя Сахіна ў суполцы каледжа не згадваецца, свае старонкі ў сацыяльнай сетцы ён таксама не абнаўляў. У інфармацыі аб сабе Сахін згадваў, што жанаты і працуе ў каледжы бытавога абслугоўвання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com