Нарвэжскія F-35 перанялі бамбавальную авіяцыйную групу РФ
10- 5.02.2025, 17:22
- 3,188
Расейскія Су-27 наблізіліся да паветранай прасторы NATO на Далёкай Поўначы.
Два знішчальнікі F-35 Каралеўскіх ВПС Нарвэгіі 4 лютага ўзняліся ў паветра, калі два расейскія бамбавікі Ту-95 у суправаджэнні двух знішчальнікаў Су-27 наблізіліся да паветранай прасторы NATO на Далёкай Поўначы.
Пра гэта гаворыцца ў паведамленні Паветранага камандавання NATO, інфармуе "Еўрапейская праўда".
Нарвэжскія пілоты F-35 хутка знайшлі і ідэнтыфікавалі расейскія самалёты, трымаючыся на бяспечнай адлегласці, што дазволіла ім уважліва сачыць за іх перасоўваннем. Перадавыя магчымасці F-35 дазволілі ім сабраць важную інфармацыю і гарантаваць, што расейскія самалёты не парушаць паветраную прастору NATO.
«Наша місія хуткага рэагавання на Далёкай Поўначы важная для нашай нацыянальнай абароны і калектыўнай бяспекі NATO.
Здольнасць да хуткага рэагавання гарантуе бяспеку нашай паветранай прасторы і падкрэслівае сілу нашых хаўрусных сіл у падтрыманні міру і стабільнасці», – заявіў генерал-маёр Ойвінд Ганэруд, гетман ВПС Нарвэгіі.
У Паветраным камандаванні Альянсу адзначаюць, што такія перахопы падкрэсліваюць важнасць місіі NATO ў патруляванні паветранай прасторы.
Здольнасць выяўляць, перахапляць і асочваць патэнцыйныя пагрозы мае вялікае значэнне для падтрымання рэгіянальнай бяспекі і стабільнасці. Гэта прадугледжвае сталую прысутнасць і гатовасць знішчальнікаў, якія могуць быць узнятыя ў паветра для рэагавання на патэнцыяльную страту сувязі, парушэнне паветранай прасторы або дзейнасць, якая не адпавядае міжнароднаму авіяцыйнаму праву.
Патруляванне паветранай прасторы NATO – гэта місія калектыўнай абароны мірнага часу, накіраваная на забеспячэнне цэласнасці і бяспекі паветранай прасторы Альянсу.
На Далёкай Поўначы і ў Арктыцы гэтая місія набывае асаблівае значэнне дзеля ўнікальных геаграфічных і геапалітычных характарыстык рэгіёну.
«Спалучэнне вайсковых інтарэсаў, тэхналагічнага прагрэсу і кліматычных змен паказвае на тое, што Далёкая Поўнач становіцца ўсё больш канкурэнтным рэгіёнам, а зменлівае асяроддзе бяспекі запатрабуе дбайнай навігацыі.
NATO далей рыхтуе Альянс да выклікаў сучаснасці і будучыні для развіцця і захавання вызначальнай вайсковай перавагі NATO, у тым ліку ў Арктычным рэгіёне», —гаворыцца ў паведамленні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
