Bloomberg: Украіна ўдала згуляла на псіхалогіі Трампа

Рызыкоўная стаўка апраўдалася.

Украіна свядома зрабіла стаўку на тое, каб прапанаваць прэзідэнту ЗША Дональду Трампу выкапнёвыя рэсурсы ў абмен на вайсковую падтрымку. Улічваючы цяжкую сітуацыю для Кіева, гэтая стаўка апраўданая, піша Bloomberg.

Выданне зазначае, што ідэю абмену рэсурсаў на дапамогу Кіеў уключыў у так званы план перамогі, яшчэ восенню мінулага года. Прычым гэта зрабілі менавіта пад Трампа, чый светапогляд зводзіцца да канцэпцыі бізнэс угод. І відавочна, што праз уласную некампетэнтнасці Трамп дагэтуль не зразумеў, якія менавіта рэсурсы яму прапануюць, піша Bloomberg.

Па-першае, Трамп чамусьці падумаў, што Украіна багатая рэдказямельнымі металамі, хоць насамрэч гаворка ідзе пра больш распаўсюджаныя - літый, марганец, тытан і ўран. Па-другое, той жа літый, які сёння становіцца ўсё больш каштоўным, ва Украіне яшчэ не здабываюць, радовішчы трэба распрацоўваць з нуля. Па-трэцяе, значная частка пакладаў каштоўных рэсурсаў знаходзіцца ў непасрэднай блізкасці ад лініі фронту, ці на ўжо акупаванай тэрыторыі.

«Зяленскі згуляў як нельга лепш - на што мог, у цяжкіх абставінах. Сутнасць у тым, што калі б Еўропа аднавіла сваю абароназдольнасць, яму б не давялося выстаўляць свае рэсурсы на продаж, каб прывабіць ЗША назад», - піша Bloomberg.

Аўтары публікацыі адзначаюць, што пакуль незразумела, як менавіта будзе выглядаць пагадненне «рэсурсы ў абмен на дапамогу», але само пагадненне, на іх думку «гэта цана, якую Украіна павінна заплаціць», каб захаваць падтрымку ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com