У Літве арыштавалі двух беларусаў за пастаўку аўтамабіляў у абыход санкцый

Падчас вобшуку канфіскавалі тэхніку на агульную суму 1,2 мільёна еўра.

У Літве арыштавалі двух беларусаў і двух літоўцаў за пастаўкі грузавой тэхнікі і люксавых аўтамабіляў у Расею і Беларусь у абыход міжнародных санкцый.

Аднаго беларуса арыштавалі на месяц, другога - на два. Для літоўцаў выбралі больш мяккія меры стрымання. Пра гэта паведамляецца на сайце літоўскай мытні.

Падчас вобшуку у Вільні і Рудаміне ў памяшканнях кампаній, якія займаюцца грузаперавозкамі і продажам тэхнікі, літоўскія сілавікі затрымалі 17 грузавікоў і 15 паўпрычэпаў на агульную суму 1,2 мільёна еўра. Таксама ў гэтых памяшканнях знайшлі кантрабандныя цыгарэты.

Крымінальная служба літоўскай мытні займаецца расследаваннем, падазраючы, што кампаніі займаліся перапраўкай транспартных сродкаў у РФ і РБ у абыход санкцый. Паводле версіі следчых, яны пераправілі ў Беларусь і Расею амаль 30 транспартных сродкаў. У іх ліку называюцца цягачы і паўпрычэпы, а таксама легкавыя аўтамабілі класа люкс - BMW X3, BMW X5, BMW X6, BMW X7 2024 года выпуску, Mercedes-Benz G-Class і іншыя. Агульны кошт гэтых машын можа дасягаць 1,7 мільёна еўра.

Следчыя адзначаюць, што аўтамабілі заставаліся зарэгістраванымі ў Літве, але адначасова іх таксама зарэгістравалі ў Расеі і Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com