Bloomberg: ЗША прапануюць план урэгулявання вайны ва Украіне

Чакаецца, што гэта адбудзецца на Мюнхенскай канферэнцыі пра бяспеку.

Спецпасланнік прэзідэнта ЗША датычна Украіны Кіт Келаг прапануе план урэгулявання вайны на Мюнхенскай канферэнцыі пра бяспеку, якая пройдзе з 14 да 16 лютага. Пра гэта паведамляе агенцтва Bloomberg са спасылкай на крыніцы.

Суразмоўцы выдання не ўдакладнілі, наколькі падрабязнымі будуць абмеркаванні плану і ў якім фармаце яны пройдуць.

Як адзначае Bloomberg, у апошнія тыдні каментары Келага і іншых чыноўнікаў змяшчалі намёкі на план дасягнення таго, што хаўруснікі Трампа называюць «мірам праз сілу». План уключае патэнцыйнае замарожванне канфлікту і пакіданне акупаваных Расеяй тэрыторый «у падвешаным стане». Таксама мяркуецца наданне Украіне гарантый бяспекі, аднак не ўдакладняецца, якімі яны будуць.

У сераду Келаг абвясціў пра свой удзел у Мюнхенскай канферэнцыі пра бяспеку. «Я з нецярпеннем чакаю магчымасці пагаварыць пра мэту Дональда Трампа пакласці канец крывавай і дарагой вайне ва Украіне», – напісаў ён у сацсеткі X.

Раней у лютым Келаг заявіў, што ў каманды Трампа існуе надзейны план для спынення баявых дзеянняў і пачатку мірных перамоваў паміж Расеяй і Украінай. На думку спецпасланніка, магчыма дабіцца спынення агню ў тэрмін, які вылічаецца месяцамі, а не гадамі. Дэталі плану ён не агучыў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com