У Ваўкавыску і Жлобіне падлеткі «здзекаваліся» з лукашэнкаўскага сцяга

Адзін з іх выкінулі ў сметніцу.

Суд Ваўкавыскага раёна 21 студзеня вынес прысуд 16-гадоваму Леаніду Трафімовічу, якога судзілі ў закрытым рэжыме за зрэзаны дзяржсцяг, піша праваабарончы цэнтр «Вясна». А ў Жлобінскім каледжы адкрыта судзілі мясцовага навучэнца таксама за дзеянні з дзяржсімволікай, паведамілі ва УУС Гомельскага аблвыканкама.

Абодвух падлеткаў судзілі паводле арт.370 КК (Здзек з дзяржаўных сімвалаў).

Справу Трафімовіча ў закрытым рэжыме разглядаў суддзя Мікалай Сяргейка. Згодна з матэрыяламі следства, хлопец залез на дах будынка і зрэзаў нажом чырвона-зялёны сцяг.

Як паведаміў тэлеграм-канал «Право имеют», падлетак у пад'ездзе чакаў сябра. Узламаўшы дзверы на дах шматпавярховага дома, ён убачыў сцяг, зрэзаў яго ножыкам і схаваў у сябе дома ў шафе. Пазней супрацоўнікі ЖКГ заўважылі знікненне і звярнуліся ў міліцыю.

У выніку Леаніду Трафімовічу прызначылі адзін год абмежавання волі без накіравання ў папраўчую ўстанову адкрытага тыпу («хатняй хіміі»).

А вось непаўналетняга навучэнца жлобінскага каледжа паказальна судзілі па месцы вучобы, запрасіўшы аднакурснікаў.

Прычынай крымінальнай справы стала тое, што аднойчы ён ішоў з сябрамі побач з «Еўраоптам», дзе яны заўважылі дзяржфлаг - падлетак залез на дах, зняў яго і паклаў у кішэню сваёй курткі. Затым выкінуў у сметніцу, чым «прадэманстраваў грэблівае і абразлівае стаўленне да дзяржаўнай сімволікі краіны».

Сваю віну непаўналетні прызнаў і ў зробленым раскаяўся. Яму таксама прызначылі год «хатняй хіміі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com