РФ страціла пад Пакроўскам больш салдат, чым за ўсю другую чачэнскую вайну
2- 6.02.2025, 14:13
- 2,642
Расейцы штурмуюць на поўдзень і паўднёвы захад ад горада.
На Пакроўскім кірунку войска Расейскай Федэрацыі страціла 7 000 чалавек асабовага складу беззваротна і 15 000 усіх агулам, уключаючы параненых і зніклых без вестак.
Пра гэта распавёў спікер аператыўна-стратэгічнай групоўкі войск «Хорціца» Віктар Трэгубаў у эфіры нацыянальнага тэлемарафона.
З яго слоў, Пакроўскі кірунак усё яшчэ застаецца самым актыўным, за мінулы дзень там адбыліся 24 штурмы ворага. Расейцы штурмуюць на поўдзень і паўднёвы захад ад горада.
«Тарэцкі кірунак - дзевяць нападаў непадалёк Тарэцка, Даліеўкі і Шчарбінаўкі, гарадскія баі ў самім Тарэцку. Краматорскі кірунак - тры боесутыкненні каля Часава Яра і Ступачак. Северскі кірунак - дзевяць нападаў у раёне Спірнага, Северска і Верхнякаменскага», - распавёў Трэгубаў.
Спікер удакладніў, што паводле звестак гетмана Аляксандра Сырскага, на Пакроўскім кірунку расейцы страцілі 7000 чалавек асабовага складу незваротна і 15 000 усіх агулам, уключаючы параненых і зніклых без вестак.
«Другая чачэнская вайна ў расейцаў за ўвесь перыяд - 6000 загінулых. Гэта значыць, пад адным Пакроўскам за студзень у расейцаў больш загінулых, чым за ўсю другую чачэнскую вайну», - сказаў ён.
Трэгубаў расказаў, што зараз расейцы кідаюць усе сілы і рэзервы ў спробах аблажыць горад. Зрэшты, калі ім удасца перацяць шляхі, якія вядуць у горад, хаця б з захаду і з паўднёвага захаду, то гэта магло б сведчыць аб поспеху акупантаў. Але зараз ім гэта не ўдаецца, расейцы губляюць вельмі вялікую колькасць асабовага складу і тэхнікі, спрабуючы проста чапляцца за маленькія пасёлкі на паўднёвы захад ад Пакроўска.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
