Беларус атрымаў перавод з-за мяжы, але большую частку аддаў банку

Як так атрымалася?

Беларус Максім днямі атрымаў міжнародны перавод за рэкламу на YouTube. За яго трэба было заплаціць камісію, якой ён не чакаў. Перавод склаў 79,63 даляра (блізу 271 рубля), камісія – 200 рублёў. Памер да залічэння быў крыху большы за 21 даляр, што эквівалентна 71 рублю, піша Onliner.by.

– Гэта апошні плацёж з боку YouTube, мама вядзе там канал пра архідэі. Банкі для вываду грошай заўсёды былі розныя: адзін перастае прымаць пераводы з-за мяжы – афармляешся ў іншым, – расказаў беларус. – Цяпер зрабілі даляравы перавод на рублёвую карту «Прыёрбанка», камісія крыху здзівіла. Добра, хоць нешта засталося ад пераводу. А яшчэ 13% падаходнага падатку як фізічнай асобе трэба заплаціць.

Адкуль такая камісія? Якраз у той дзень, 27 студзеня, у «Прыёрбанку» змяніліся тарыфы на пераводы SWIFT: для пераводу да 60 даляраў (204 рублі паводле курсу Нацбанка на 6 лютага), як і раней, камісія складае 3%, для большых памераў камісія таксама 3%, але мінімум 200 рублёў (раней была 15 рублёў).

З улікам таго, што памер пераводу ненашмат перавышае 60 даляраў, на камісію прыйшлася яго прыкметная частка.

Як адзначылі ў «Прыёрбанку», тарыфная палітыка фармуецца «з улікам актуальнай эканамічнай сітуацыі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com