На беларускім аўтарынку прадаўжаецца «хапун»

Эксперты прагназуюць перамены.

У студзені ў Беларусі прадалі 4299 новых аўтамабіляў. Пры гэтым у мінулым месяцы змяніўся лідар у колькасці рэалізаваных машынаў, ім стаў брэнд LADA. Пра гэта паведамляе Беларуская аўтамабільная асацыяцыя (БАА).

«На беларускім рынку новы лідар – першае месца паводле вынікаў студзеня ўпэўнена заняў брэнд LADA з продажамі 1706 аўтамабіляў і дзеллю рынку 39,7%, – паведамляе асацыяцыя. – Важным момантам для рынку новых аўтамабіляў стала рэкордная дзель “зялёных аўто”, сумарныя продажы якіх у мінулым месяцы дасягнулі 586 штук, што склала 14,2% ад продажаў у сегменце легкавых аўтамабіляў».

Як дадалі ў БАА, у студзені адбыўся больш чым двухразовы рост продажаў у параўнанні з аналагічным месяцам 2024-га.

«На дынаміку рынку станоўча паўплывала як з'яўленне новых мадэляў, так і тое, што ў многіх брэндаў і мадэляў коштаўтварэнне ў Беларусі з'яўляецца адным з самых даступных адносна іншых краінаў Еўразійскага эканамічнага звязу», – удакладняюць у асацыяцыі.

У БАА прагназуюць перамены на аўтарынку.

«У 2025 годзе будзе праходзіць трансфармацыя рынку, якая ўжо прасочвалася ў мінулым годзе і стала відавочнай паводле вынікаў студзеня гэтага года. Усё больш і больш беларускіх спажыўцоў будзе схіляць свой выбар на карысць гібрыдаў і электрамабіляў, – чакаюць у БАА. – З улікам захавання гэтай падтрымкі развіцця электратранспарту ў нашай краіне з боку дзяржавы можна прагназаваць да канца года істотны рост электрапарку ў Беларусі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com