Украіна гатовая абмеркаваць з Паўднёвай Карэяй перадачу двух палонных вайскоўцаў з КНДР

У Паўночнай Карэі іх можа чакаць небяспека.

Украіна гатовая да абмеркавання з Паўднёвай Карэяй перадачы двух палонных вайскоўцаў з Паўночнай Карэі, беручы да ўвагі патэнцыйныя пагрозы ў выпадку іх рэпатрыяцыі, а таксама ў выпадку, калі яны адмовяцца вяртацца на радзіму.

Пра гэта заявіў амбасадар Украіны ў Рэспубліцы Карэі Дзмітрый Панамарэнка ў інтэрв'ю The Korean Times.

«Беручы да ўвагі пагрозу жыццю і свабодзе паўночнакарэйскіх вайскоўцаў у выпадку іх рэпатрыяцыі ў КНДР, а таксама калі яны адмовяцца вяртацца, мы адкрытыя для дыялогу з міжнароднымі партнёрамі, сярод іншага з Рэспублікай Карэя, пра магчымасць іх перадачы ў трэція краіны», – сказаў Панамарэнка.

Дыпламат спадзяецца, што ў такім выпадку ўкраінскі бок правядзе кансультацыі з Паўднёвай Карэяй наконт спосабаў перадачы палонных.

14 студзеня прадстаўнік Міністэрства замежных справаў Паўднёвай Карэі Лі Чжэ Ун заявіў, што ўрад Паўднёвай Карэі плануе правесці кансультацыі з Украінай пра перадачу паўночнакарэйскіх салдатаў, якіх украінскія вайскоўцы ўзялі ў палон.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com