Лукашэнка прадаўжае знішчаць бізнэс у краіне

Мясцовы бізнэс з гэтага часу будзе падпарадкоўвацца выканкамам.

Аляксандр Лукашэнка заявіў пра неабходнасць узмацніць паўнамоцтвы раённых і гарадскіх выканкамаў датычна прыватнага сектару. Пра гэта ён сказаў 6 лютага на нарадзе ў пытаннях прававога рэгулявання статусу старшыняў выканкамаў базавага ўзроўню, паведамляе ягоная прэс-служба.

«Я ставіў пытанне, якое было вельмі неадназначна ўспрынятае некаторымі катэгорыямі грамадзянаў, – пра адказнасць старшыняў выканкамаў за кіраванне на ўсіх кірунках, у тым ліку і прыватным сектарам. А то ў нас атрымліваецца, што прыватнік – гэта ўвогуле не дзяржава, гэта дзяржава ў дзяржаве», – адзначыў Лукашэнка.

Паводле ягоных словаў, роля прыватных прадпрыемстваў, асабліва ў вытворчай сферы, будзе толькі вырастаць, таму старшыні выканкамаў павінны кіраваць, патрабаваць і несці адказнасць аднолькава як за прыватны, так і дзяржаўны сектар.

«Гэта жорсткае маё патрабаванне. Ад гэтага ніхто не павінен сыходзіць, разважаючы і боўтаючы языком пра нейкі лібералізм. У нас сёй-той яшчэ не наеўся гэтага лібералізму», – дадаў ён.

Асноўная нагрузка ў рэалізацыі гэтых задачаў кладзецца на рэгіёны.

«І што, старшыня райвыканкама будзе хадзіць кланяцца да кіраўнікоў прыватнага сектару, каб яны, напрыклад, гэтыя задачы развязвалі? Пастановы выканаўчага камітэта і старшыні выканкама павінны быць канчатковымі і пад абмеркаванне не падпадаюць», – падкрэсліў ён.

Нагадаем, раней Лукашэнка прапанаваў надзяліць кіраўнікоў раёнаў паўнамоцтвамі прызначаць кіраўнікоў і ў прыватныя структуры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com