Беларускія навукоўцы стварылі аўтаматычны гатункавальнік яблыкаў на базе ШІ

Як табе такое, Ілан Маск?

У Беларусі развіваюцца практычна ўсе сферы дзейнасці, звязаныя са штучным інтэлектам, расказаў на прэс-канферэнцыі генеральны дырэктар Аб'яднанага інстытута праблемаў інфарматыкі НАН Сяргей Круглікаў. Ягоныя словы паведамляе БелТА.

«У галіне апрацоўкі выяваў наша каманда ўваходзіць у сусветны топ-10. У цяперашні час колькасць такіх камандаў па ўсім свеце складае больш за 2 тыс., і мы ў ліку найлепшых», – растлумачыў Круглікаў.

Так, у тым, што тычыцца аналізу медыцынскіх выяваў, напрыклад КТ і МРТ, беларускія навукоўцы ўваходзяць у 2% найлепшых.

Ёсць у беларусаў і распрацоўка, якая зацікавіць сельгас- і харчовыя прадпрыемствы. Навукоўцы стварылі сістэму аўтаматычнага гатункавання яблыкаў.

«Блізу 80 розных гатункаў яблыкаў, а таксама іх хваробы наша сістэма з даволі высокай дакладнасцю распазнае, адсейвае і гатункуе. Хуткасць высокая – прыкладна 2,5 т/г», – расказаў гендырэктар інстытута.

Візітнай карткай Інстытута праблемаў інфарматыкі Круглікаў назваў апрацоўку маўлення.

Паводле ягоных словаў, у беларускіх навукоўцаў ёсць платформа з больш як 70 сэрвісамі ў гэтым кірунку. Ёсць у тым ліку і беларускамоўны ШІ-асістэнт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com