На Алясцы з радараў знік пасажырскі самалёт

Ідзе пошукавая аперацыя.

На Алясцы ў ЗША знік самалёт Cessna 208B Grand Caravan авіякампаніі Bering Air з дзевяццю пасажырамі і пілотам на борце. Пра гэта паведамляе CNN.

Адзначаецца, што самалёт накіроўваўся з Уналакліта ў Ном — абодва гарады на захадзе Аляскі, якія падзелены залівам Нортан-Саўнд.

Паліцыя штата Аляска атрымала паведамленне аб знікненні "самалёта, які спазніўся на рэйс".

Валанцёрская пажарная служба Нома заявіла, што праводзіць актыўныя наземныя пошукі. Пры гэтым ратавальнікі абмежаваны ў пошуках з паветра з-за дрэннага надвор'я.

У той жа час Берагавая ахова ЗША і Ваенна-паветраныя сілы запланавалі палёты, каб агледзець тэрыторыю і паспрабаваць знайсці самалёт.

Берагавая ахова адзначыла, што самалёт знаходзіўся прыкладна за 19 кіламетраў ад берага, калі яго каардынаты былі страчаныя.

Са звестак трэкера палётаў FlightRadar24, самалёт у апошні раз зафіксавалі над залівам Нортан-Саўнд а 15:16 паводле мясцовага часу.

“Дакладнае месцазнаходжанне самалёта дагэтуль невядома. Мы працягваем пашыраць пошукавыя намаганні на як мага большай колькасці кірнкаў, пакуль самалёт не будзе знойдзены”, - адзначылі ў пажарнай службе Нома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com