Эдуарда Бабарыку зноў будуць судзіць

Працэс пачнецца 20 лютага.

Палітвязень Эдуард Бабарыка знаходзіцца ў зняволенні ўжо больш за чатыры з паловай гады, але яму працягваюць дадаваць тэрміны, паведамляе праваабарончы цэнтр «Вясна».

У ліпені 2024 года да яго васьмігадовага тэрміну дадалі яшчэ паўтара гады паводле артыкула 411 КК (злоснае непадпарадкаванне адміністрацыі калоніі). Для адбыцця пакарання яго перавялі ў Ваўкавыскую калонію №11, дзе менш чым за паўгода супраць яго зноў распачалі справу паводле таго ж артыкула.

Судовы працэс пройдзе 20 лютага ў судзе Ваўкавыскага раёну. Весці справу будзе суддзя Мікалай Сяргеенка, які раней вынес аналагічны прысуд анархісту Аляксандру Францкевічу. У выпадку новага абвінаваўчага прысуду тэрмін Эдуарда Бабарыкі можа павялічыцца яшчэ на два гады.

Нагадаем, Эдуард Бабарыка 5 ліпеня 2023 года быў прызнаны «вінаватым» паводле некалькіх артыкулаў КК.

Яму далі восем гадоў папраўчай калоніі ва ўмовах узмоцненага рэжыму са штрафам у суме 5000 базавых адзінак (185 000 рублёў).

Эдуард Бабарыка быў затрыманы разам са сваім бацькам, Віктарам Бабарыкам, 18 чэрвеня 2020 года, і ўтрымліваўся ў СІЗА КДБ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com