Адзін удар - і няма штаба: як настаўніца геаграфіі дапамагла ліквідаваць камандаванне 35-й брыгады РФ

Апублікаванае відэа рэзананснай аперацыі.

Сілы абароны Украіны адным трапным ударам па цэлі ў акупаваным Селідаве ліквідавалі ўвесь камандны склад 35-й мотастралковай брыгады УС РФ.

З'явілася відэа гэтай аперацыі, знятае з дапамогай дрона.

Яго апублікавала ў Facebook украінская ваенкар Юлія Кірыенка-Мерынава.

Пра гэтую аперацыю стала вядома 7 лютага з расейскіх Z-каналаў. Яны скардзіліся, што ў выніку атакі «адным разам» быў знішчаны ўвесь камандны склад 35-й АМСБр УС РФ.

Мяркуючы з апублікаванага відэа, штаб расейцы размясцілі ў адным са шматкватэрных дамоў акупаванага горада. Быў нанесены ўсяго адзін удар, які сапраўды патрапіў па варожай цэлі.

Паводле інфармацыі Кірыенкі-Мерынавай, удар ажыццявіў борт «Су» Паветраных сіл Украіны. Агонь карэктавала з дапамогай беспілотніка Shark вайсковая пад пазыўным «Ультра» з 25-й асобнай паветрана-дэсантнай Січыслаўскай брыгады УСУ.

«Запусціла яго (Shark - рэд.) у неба трэцяя жанчына ва УСУ, якая навучылася з ім працаваць. Жанчына пад псэўда «Ультра». Жанчына, якая пайшла на фронт, каб фронт не дайшоў да яе роднага Дняпра. Жанчына, якая ў мірным жыцці настаўніца геаграфіі», - напісала ваенкар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com