Навукоўцы: Пяціхвілінная звычка перад сном дапаможа заснуць значна хутчэй

Амерыканскія экспэрты правялі спецыяльнае даследаванне.

Статыстыка кажа, што большасці людзей трэба паўгадзіны, каб заснуць, хаця напраўду гэты працэс не павінен займаць столькі часу. І навукоўцы ведаюць, якая звычка можа дапамагчы паскорыць надыход сну.

Гаворка ідзе аб канцэпцыі "кагнітыўнай разгрузкі". Навукоўцы прапануюць кожны вечар перад сном пісаць спіс спраў. На іх думку, гэта разгружае ваш мозг, вы перастанеце хвалявацца, што нешта забыліся і хутчэй засынаеце, піша NY Post.

Даследнікі з Універсітэта Бейлора выкарыстоўвалі дыягнастычны тэст, каб праверыць на добраахвотніках, ці сапраўды гэтая звычка працуе. У выніку яны заўважылі, што чым больш дакладна ўдзельнікі пісалі свой спіс спраў, тым хутчэй яны пасля засыпалі.

Гэтая канцэпцыя называецца "кагнітыўная разгрузка", гэта значыць памяншэнне разумовых намаганняў, неабходных для выканання задачы. Урэшце, гэта можа прывесці да лепшай прадукцыйнасці, пішуць аўтары даследавання ў Journal of Experimental Psychology.

Важнасць "кагнітыўнай разгрузкі" была паказана і ў даследаваннях, якія праводзіліся раней. Напрыклад, сярод IT-работнікаў у 2014 годзе. Супрацоўнікі, якія не выканалі заданне да канца тыдня, горш спалі ў выходныя, бо выдаткоўвалі шмат часу на хваляванне аб незавершаных справах.

"Калі я пачаў складаць начныя спісы спраў, я нават не падазраваў, што гэта дапаможа мне заснуць. Я проста хацеў знайсці спосаб лепш адсочваць свае прыярытэты і прадукцыйнасць кожны дзень. Так што кожны вечар перад сном я запісваў тры рэчы, якія хацеў бы зрабіць на наступны дзень", - распавёў Адам Бенджамін, які зараз кожны дзень выкарыстоўвае гэтую звычку для разгрузкі ўласных думак перад сном.

Таму эксперты па сне рэкамендуюць запланаваць час за межамі спальні, каб абдумаць, што можа вам перашкаджаць заснуць. Напісаць спіс спраў на заўтра, удакладніць, што вы не паспелі зрабіць сёння. Тады, ужо кладучыся ў ложак, вы не будзеце праз гэта хвалявацца і хутка засняце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com