«У Кітая маглі ўзнікнуць сур'ёзныя прэтэнзіі да Лукашэнкі»

Сі Цзіньпін незадаволены падлашчваннямі беларускага дыктатара ў тым ліку з «Арэшнікам».

Перад "выбарамі" Лукашэнка хацеў наведаць Кітай - паездка не адбылася. Цяпер пра яе прадстаўнікі рэжыму проста маўчаць.

Чаму? На гэтае пытанне сайту Charter97.org адказаў вядомы ўкраінскі палітолаг, кіраўнік Цэнтра прыкладных палітычных даследаванняў "Пента" Уладзімір Фясенка:

- Складана сказаць. Не думаю, што Кітай адмовіцца ад сваіх інтарэсаў у Беларусі, таму што былі зроблены сур'ёзныя інвестыцыі. Для Кітая Беларусь была такім плацдармам актыўнай працы з Еўропай, як, дарэчы, і Украіна.

Цяпер жа гэты матыў дакладна знік. Які плацдарм у працы з Еўропай, калі дзейнічаюць санкцыі? Кітайскія інтарэсы ўнутры Беларусі захаваюцца, магчыма, Пекін будзе больш праз Беларусь працаваць на расейскім рынку.

Можа, паездка не адбылася таму, што нейкія прэтэнзіі ўзніклі? Мы ж не ведаем. Магчыма, нехта з атачэння Лукашэнкі ці ягоных сваякоў наважыў, прабачце, красці ў кітайцаў.

Калі гэта было, то кітайцам гэта відавочна не спадабалася. Гэта магло прывесці да ахаладжэння, маглі быць перададзены сігналы Лукашэнку і іншым, маўляў, хлопцы, нам не падабаецца тое, што адбываецца адносна кітайскага бізнэсу ў Беларусі. Падкрэслю, што я толькі мяркую, не ведаю, як насамрэч.

Думаю, Кітай не ў захапленні (хоць з ім гэта ўзгаднялася) ад падлашчвання Лукашэнкі з ядравай зброяй і «Арэшнікам» на тэрыторыі Беларусі. Бо гэтае яшчэ большае ўзмацненне залежнасці Беларусі ад Масквы, а не Пекіна.

Пекін жа ніколі ні з кім не жадае дзяліцца. Ён абвык аднаасобна камандаваць, а не праз кагосьці ці дзяліцца з кімсьці ўплывам. Узмацненні ўплыву Пуціна на цяперашнюю сітуацыю ў Беларусі, у тым ліку - праз размяшчэнне стратэгічнай зброі на яе тэрыторыі, Пекіну не вельмі падабаецца. Гэта таксама можа быць прычынай ахаладжэння паміж Пекінам і Менскам. Цяпер Кітай заняў чакальную пазіцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com