Гістарычныя кадры: Латвія абрэзала правады ЛЭП на мяжы з Беларуссю

Пасля выйсця з адзінай энэргасістэмы BRELL.

Краіны Балтыі (Літва, Латвія і Эстонія) 8 лютага адключыліся ад энэргасістэмы BRELL (Беларусь, Расея, Эстонія, Латвія, Літва) і перайшлі на ізаляваны рэжым працы. Гэтая падзея адзначылася з'яўленнем у сетцы відэа і фатаграфій, якія дэманструюць дэмантаж ліній электраперадачы, што раней звязвалі балтыйскія краіны з Расеяй і Беларуссю.

Сярод іншага, латвійская кампанія AST (аператарка сістэмы перадачы электраэнэргіі) апублікавала кадры дэмантажу 330-кілаватнай лініі, якая злучала Латвію з Расеяй. Міністр клімату і энэргетыкі Латвіі Каспарс Мелніс назваў адключэнне ад BRELL «гістарычным» і важным для энэргетычнай бяспекі краіны, падзяліўшыся фатаграфіямі з месца падзей у сацыяльных сетках.

У інтэрнэце таксама з'явілася відэа, на якім нібыта паказаная абрэзка ліній у Літве, аднак сапраўднасць відэа выклікае сумневы: яно знятае не ўзімку, а на вопратцы працоўнага адсутнічаюць апазнавальныя знакі літоўскага аператара Litgrid. Прадстаўнік Litgrid Данатас Метэленіс, у сваю чаргу, паведаміў, што ў Літве ўжо дэмантаваная частка ліній, якія злучалі краіну з Беларуссю і Расеяй і праца будзе прадаўжацца.

Паводле ягоных словаў, лініі электраперадачы, якія злучалі краіны Балтыі з Расеяй і Беларуссю, сабраліся поўнасцю дэмантаваць да канца лютага 2025 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com