Беларусь стала галоўнай мэтай расейскіх кампаній?

У лютым зафіксаваны значны рост дзелавых паездак расейцаў у нашу краіну.

Беларусь і Узбекістан сталі самымі «хуткарослымі» кірункамі камандзіровак расейцаў у гэтым лютым: у параўнанні з аналагічным месяцам 2024 года кампаніі з РФ зарэзервавалі ў гэтых краінах на 60% больш гатэляў і іншых варыянтаў размяшчэння, піша «Позірк» са спасылкай на ТАСС.

Расейскае агенцтва, якое прыводзіць звесткі даследавання сэрвісу для планавання дзелавых паездак «Астравок камандзіроўкі», разам з тым адзначыла, што па колькасці рэзервавання Беларусь у лютым знаходзілася на пятым месцы, уступіўшы ААЭ, Тайланду, Кітаю і Турцыі.

У даследаванні зазначаецца, што сярэдні кошт ночы ў беларускім гатэлі за год вырас на 20% і склаў 9,3 тысячы расейскіх рублёў (амаль 104 даляры актуальным курсам ЦБ РФ. — «Позірк»).

Прыводзіцца меркаванне кіраўніцы сэрвісу «Астравок камандзіроўкі» Любові Васільевай, якая адзначыла, што «рост колькасці камандзіровак у краіны СНД заканамерны: расейскі бізнэс працягвае экспансію за межамі краіны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com