Малюнак беларускага мастака патрапіў у The New York Times

Ягоныя працы вы можаце знайсці і на вуліцах Менска.

Ілюстрацыя беларускага мастака Дзмітрыя Кашталяна патрапіла ў The New York Times. Гэта не першы такі досвед для яго. Вядомы Кашталян і менскімі мураламі, паведамляе «Люстэрка».

«Для мяне вялікі гонар працаваць з такім прэстыжным выданнем. Мая жонка ўдвая шчаслівая, таму што гэта яе ўлюбёнае выданне. Мары спраўджваюцца!» – напісаў Кашталян у Instagram.

Выданню Chrysalismagazine ён расказаў, што яму на пошту напісаў адзін з арт-дырэктараў The New York Times, які сочыць за творчасцю мастака. Для тэксту Кашталян зрабіў некалькі эскізаў, адзін з іх «давялі да розуму».

У калонцы аўтар The New York Times піша, як наша ўспрыманне птушкі дадо і вымірання з часам мянялася. Аўтар адзначае, што да параўнальна нядаўняга часу людзі з цяжкасцю разумелі канцэпцыю вымірання.

Ілюстрацыі Кашталяна не рэдкасць для заходніх выданняў і кампаній. Ён ужо супрацоўнічаў, напрыклад, з CROPP, Entertainment Weekly, Harper's Magazine, Lavazza, AFAR, Technology Review.

Працы Кашталяна можна ўбачыць і ў Менску. Там ён, напрыклад, намаляваў муралы «Кот з сэлфі-палкай» і «Малпа ў краме посуду».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com