Кіраўнік МЗС Польшчы пагаварыў з Келагам перад сустрэчай Украіны і ЗША

Таксама Радаслаў Сікорскі абмеркаваў ход размовы з кіраўніком МЗС Украіны.

Міністр замежных справаў Польшчы Радаслаў Сікорскі ў панядзелак, 10 сакавіка, пагутарыў праз тэлефон са спецпасланнікам прэзідэнта ЗША ў пытаннях Расеі і Украіны Кітам Келагам.

Пра гэта агенцтву PAP паведаміў прадстаўнік польскага МЗС Павел Уронскі.

Паводле словаў Уронскага, Сікорскі і Келаг пагадзіліся, што мір ва Украіне, на дасягненне якога накіраваныя перамовы, павінен быць справядлівым.

Прадстаўнік МЗС Польшчы адзначыў, што не можа даць больш інфармацыі пра змест размовы Сікорскага з Келагам.

У той самы час ён паведаміў, што адразу пасля гэтага кіраўнік польскай дыпламатыі абмеркаваў ход размовы з міністрам замежных справаў Украіны Андрэем Сібігам.

Нагадаем, 11 сакавіка ў саудаўскім горадзе Джыда павінны адбыцца перамовы паміж прадстаўнікамі Украіны і ЗША – першыя пасля сваркі паміж прэзідэнтамі абедзвюх краінаў у Белым доме.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com