The Telegraph: Расейскія КАБы сталі бескарыснымі
3- 11.03.2025, 8:19
- 16,230
УСУ вынайшлі спосаб ім супрацьдзейнічаць.
Узброеныя сілы Украіны навучыліся супрацьдзейнічаць расейскім кіраваным авіябомбам, што можа паўплываць на перакананне Дональда Трампа наконт магчымасцяў Украіны адціснуць расейцаў са сваёй тэрыторыі. Пра гэта піша The Telegraph.
"Расейскія кіраваныя авіябомбы сталі фактычна бескарыснымі праз раптоўны поспех ўкраінскіх радыёперашкод", – гаворыцца ў матэрыяле.
Адзін з расейскіх праваенных тэлеграм-каналаў паведаміў, што ўкраінскія глушылкі на фронце літаральна заблакавалі ўнутраныя навігацыйныя сістэмы КАБаў - усе сістэмы са спадарожнікавым навядзеннем выйшлі з ладу. І зараз для паразы адной цэлі часта патрабуецца да 16 кіраваных бомб.
“Гэта не азначае, што Расея спыніла скідаць кіраваныя бомбы. Але яны часта ператвараюцца ў няўдачы, падаючы ў палях далёка ад пазначаных цэляў, замест таго, каб патрапіць ва ўкраінскія рэзервовыя сілы або штаб вайсковай дывізіі”, - адзначылі аўтары матэрыялу.
Глушылкі могуць выглядаць як прынады ці ж быць часткай шырэйшай сістэмы абароны самалёта, як у выпадку з F-16. Яны блакуюць расейскія сістэмы, выпраменьваючы сігналы, якія ствараюць перашкоды.
Экспэрт у пытаннях узбраенняў Том Уітынгтон падкрэсліў, што расейскія кіраваныя бомбы "не павінны былі б паддавацца глушэнню", а значыць: або расейскія КАБ былі настолькі дрэнна спраектаваны, што іх можна заглушыць, або Украіна знайшла спосабы пераадолець абарону, убудаваную ў іх.
"Улічваючы тое, што Расея паспяхова выкарыстала кіраваныя бомбы на працягу некалькіх месяцаў, больш верагодным з'яўляецца другі варыянт", – гаворыцца ў артыкуле.
Гэта, на думку журналістаў, паставіць пад сумнеў перакананне Дональда Трампа і Джэй-Дзі Вэнс, што Кіеў не мае ніякіх шанцаў адціснуць Расею або ўтрымаць свае цяперашнія пазіцыі.
Акрамя таго, гэта будзе мець уплыў на лінію фронту і аслабіць здольнасць Расеі атакаваць Украіну ў тыле, што было ключавой часткай крамлёўскай стратэгіі знясілення.
У той жа час поспех Украіны ў глушэнні расейскіх сродкаў паразы не абмяжоўваецца толькі кіраванымі бомбамі. Гэтая тактыка выкарыстоўваецца і супраць беспілотнікаў.
“Украіна ўсё больш здольная перахопліваць беспілотнікі тыпу “шахед” і вяртаць іх назад у паветраную прастору Расеі ці Беларусі”, - адзначаецца ў артыкуле.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
