КДК паскардзіўся Лукашэнку на свежы хлеб у беларускіх крамах

Дакумент мае грыф "Для службовага карыстання".

Камітэт дзяржаўнага кантролю (КДК) паскардзіўся Аляксандру Лукашэнку на буйныя гандлёвыя сеткі, якія арганізуюць уласную вытворчасць хлеба і хлебабулачных вырабаў і маюць на раздробным рынку ўсё больш сур'ёзную канкурэнцыю дзяржаўным хлебазаводам. Гэта вынікае з ліста старшыні КДК Васіля Герасімава, накіраванага Лукашэнку 20 студзеня 2025 года. Дакумент мае грыф "Для службовага карыстання", яго копію апублікаваў "Позірк".

Герасімаў звяртае ўвагу ў лісце, што ў 2024 годзе "працягвалася змяншэнне аб'ёмаў выпуску хлебапрадукцыі дзяржаўнымі хлебазаводамі, звязанае з павышэннем узроўню канкурэнцыі ў пякарнай галіне за кошт пашырэння сеткі прыватных вытворцаў, у тым ліку буйных сеткавых гандлёвых арганізацый".

Спасылаючыся на звесткі Белстата, кіраўнік КДК паведамляе, што летась у краіне "выраблена 233,4 тыс. тон хлеба і хлебабулачных вырабаў, што на 4,5% менш за ўзровень 2023 года". "Пры гэтым, паводле аператыўнай інфармацыі, у 2024 годзе 30 адсоткаў хлебабулачных вырабаў выраблена непасрэдна аб'ектамі гандлю", - падкрэсліваецца ў дакуменце.

"Нягледзячы на накіраваныя ў пачатку мінулага года прапановы камітэта аб стварэнню роўных умоў для вытворцаў хлеба і хлебабулачных вырабаў і гандлёвых сетак, урадам дзейсныя меры аб змяненні сітуацыі не прынятыя", - заяўляе Герасімаў.

Паводле ягоных слоў, ураду і "зацікаўленым дзяржорганам" неабходна "з улікам практыкі краін ЕАЭС" "актуалізаваць патрабаванні і ўстанавіць нормы абавязковага дэкларавання адпаведнасці хлеба і хлебабулачных вырабаў пры іх раздробнай рэалізацыі". Такому дэклараванню павінна падлягаць прадукцыя, вырабленая "як хлебазаводамі, так і аб'ектамі гандлю".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com