Фондавы рынак ЗША імкліва падае праз дзеянні Трампа
6- 11.03.2025, 9:42
- 10,126
Сваё багацце страчваюць і мільярдэры з ягонага атачэння.
Амерыканскі фондавы рынак працягвае падаць на фоне палітыкі прэзідэнта ЗША Дональда Трампа праз мыты. Праз дзеянні кіраўніка Белага дома ўзнікаюць асцярогі, што эканоміка ЗША замарудзіцца.
Пра гэта піша Bloomberg.
Адзначаецца, што індэкс Nasdaq 100, які складаецца з высокатэхналагічных кампаній, упаў на 3,8%, упершыню з 2022 года. Індэкс S\u0026 P 500 упаў на 2,6%. Індэкс знаходзіцца на шляху да закрыцця ніжэй за 200-дзённую слізгальную сярэднюю адзінку ўпершыню з лістапада 2023 года, перапыніўшы серыю з 336 сесій вышэй сваёй доўгатэрміновай лініі падтрымкі. Яго падзенне на 5% ад максімуму ўсяго за дзевяць сесій стала самым імклівым падзеннем такога маштабу з лютага 2020 года - тады прычынай была пандэмія.
Хоць Трамп папярэдзіў, што амерыканцы могуць адчуць "невялікую асцярогу" ад гандлёвых войнаў з Канадай, Мексікай і Кітаем, ён не сказаў, калі ў ЗША ўбачаць выгаду ад яго палітыкі. Акрамя таго, ён адмовіўся выключыць магчымасць рэцэсіі.
Неспакойна і на Уол-стрыт. Стратэгі і эканамісты падвышаюць свае прагнозы наконт эканамічнага спаду ў ЗША. І гэта настройвае амерыканскі фондавы рынак на тое, што можа стаць працяглым перыядам турбулентнасці.
Найбуйнейшыя тэхналагічныя кампаніі ў S\u0026 P 500 ўпалі на 4,6%. Акцыі Tesla Inc. ўпалі на 13%, што стала найгоршым днём з 2020 года. Акцыі стратных тэхналагічных кампаній знаходзіліся ў вольным падзенні, тады як кошык найболей "кароткіх" акцый Goldman Sacsh Group Inc. ўпала на 4,7%.
Інвестары сутыкаюцца з геапалітычнымі рызыкамі, рост валацільнасці і падвышанай інфляцыяй, што падкрэслівае чаканні, што Федэральны рэзерв гатовы захаваць адсоткавыя стаўкі вышэй, чым лічылася некалькі месяцаў таму.
Са слоў стратэга Deutsche Bank Парага Татэ, поўнае падзенне да ніжняй мяжы свайго гістарычнага дыяпазону, як гэта адбылося падчас гандлёвай вайны ў 2018-2019 гадах, можа пацягнуць індэкс S\u0026 P 500 яшчэ ніжэй - прыкладна на 8% да 5300 пунктаў. Цяпер індэкс таргуецца на адзнацы 5650.
Характэрна, што сваё багацце імкліва страчваюць мільярдэры, якія прысутнічалі падчас прынясення прысягі Трампам. Напрыклад, за першыя 50 дзён прэзідэнцтва Трампа багацце Ілона Маска скарацілася на 148 мільярдаў даляраў. Паўплывала на гэта і падзенне продажаў Tesla пасля скандальнага жэсту мільярдэра.
Джэф Бэзас страціў 29 млрд даляраў, Марк Цукерберг - 5 млрд даляраў, Сяргей Брын - 22 млрд даляраў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
