«Кантакты Галоўчанкі прымусілі Лукашэнку панікаваць»

Палітолаг назваў яшчэ адну версію, чаму дыктатар змяніў прэм'ера.

У панядзелак Лукашэнка змяніў прэм'ера краіны. Урад узначаліць Аляксандр Турчын.

Навошта Лукашэнку спатрэбілася прыбіраць Рамана Галоўчанку? Чаму экс-прэм'ера панізілі да кіраўніка Нацбанку?

Пра гэта сайт Charter97.org паразмаўляў з беларускім палітолагам Дзмітрыем Балкунцом:

- Думаю, што ў гэтым выпадку ад перастаноўкі месцаў нічога не зменіцца. Турчын і сам сказаў, што ён нічога мяняць не будзе. Мяркую, што гэтая перастаноўка насіла фармат, з аднаго боку, дэкаратыўны (Лукашэнка не любіць, калі нехта доўга заседжваецца), з другога — Лукашэнка вельмі баязлівы чалавек.

Ён не любіць, калі побач з ім знаходзіцца нехта разумнейшы і мацнейшы, чым ён сам. А калі яшчэ і шмат мае стасункаў у Маскве з якімі-небудзь дзядзькамі, то гэта нагода для панікі.

Галоўчанка ж за апошнія пяць гадоў праехаў дзясяткі расейскіх рэгіёнаў, неаднаразова сустракаўся з расейскімі кіраўнікамі. У Лукашэнкі гэта можа выклікаць страх і паніку. Вось ён і пастанавіў яго адсунуць ад граху далей.

- Ці чакаць чагосьці новага ад Турчына ў гэтай сістэме?

- Не. Ён звычайны чыноўнік, выхадзец з наменклатурнай сям'і раённага маштабу. Гэта чалавек, выгадаваны ў сістэме Лукашэнкі. Ён нідзе не працаваў, апроч Беларусі. Мяркую, ён мала за мяжу ездзіў, таму ў яго бачанне развіцця краіны знаходзіцца выключна ў парадыгме лукашызму.

Не думаю, што ён здольны скокнуць вышэй галавы, што скажуць - тое і будзе рабіць. Яго задачай будзе перакладаць паперкі, рыхтаваць якія-небудзь законапраекты, рапартаваць аб «вялікіх дасягненнях».

Чакаць, што прыйдуць нейкія сур'ёзныя фундатары ці нават турысты прыедуць у краіну, дзе працягваюцца рэпрэсіі, не варта. Чакаць, што будзе развівацца ІТ-кластар, таксама не трэба. Бо краіна знаходзіцца пад частковымі санкцыямі, Лукашэнка ўвесь час эксперыментуе з інтэрнэтам, блакуе яго. Гэта ўсё стварае праблемы для кластара IT.

Усё робіцца выключна для выжывання сям'і Лукашэнкі. Галоўчанка, Турчын і іншыя людзі, ведаючы, што зараз адбываецца, проста сабе на корм зарабляюць. Мяркую, што гэта пытанне каштоўнасных выбараў. Гэтыя людзі сябе праявілі. У іх адзін каштоўнасны выбар - грошы. Яны не думаюць аб развіцці краіны.

Галоўчанка пяць гадоў абслугоўваў сям'ю Лукашэнкі, заплюшчваючы вочы на рэпрэсіі ў краіне. Хай нават ён сам, магчыма, не датычны да рэпрэсій, але выдатна ўсё бачыў, проста заплюшчваў на гэта вочы. Гэта амаральны ўчынак з ягонага боку. Тое ж самае тычыцца і Турчына. Яны нясуць маральную адказнасць за тое, што адбываецца.

Нельга сёння думаць аб развіцці краіны, калі ў канцлагеры знаходзяцца тысячы нявінных ахвяр.

- Чаго чакаць ад Галоўчанкі на пасадзе кіраўніка Нацбанку. Калавура ўважалі за чалавека, які выступаў за прафесійны падыход да працы гэтага ведамства. Галоўчанка ўсё ж не банкір.

- У Беларусі быў выпадак, калі кіраўніком Нацбанку стаў будаўнік. Кожны раз, калі ён абяцаў, што дэвальвацыі не будзе, яна здаралася.

Мяркую, што Раман трошкі з фінансамі знаёмы. Нацбанк Беларусі ж не з'яўляецца нейкай незалежнай структурай, а цалкам залежыць ад волі Лукашэнкі. Ён захоча - і ўключыцца друкарскі станок.

Падкрэсліваю, на мае адчуванні Галоўчанку вызвалілі праз тое, што Лукашэнка баіцца нейкіх правакацый ці чагосьці яшчэ. Ён баіцца, калі людзі, якія маюць хоць нейкія невялікія кантакты ў Крамлі, знаходзяцца побач з ім. Іх пажадана адсунуць далей.

Як гэта было з Румасам, да гэтага з Сяргеем Сідорскім, якога саслалі ў Маскву.

Думаю, што ніякіх сур'ёзных змен чакаць не даводзіцца. У Лукашэнкі зараз ёсць праблемы, з якімі ён будзе спрабаваць змагацца.

Найбліжэйшым часам у графіку ў яго ёсць паездка ў Маскву, але ж ён парушыў клятвеннае абяцанне Пуціну не ўдзельнічаць у «выбарах». Пытанне ў тым, як яго кааператыў «Возера» за гэта будзе караць. Гэта можа быць зроблена цішком.

Адзначу і тое, што Кітай закрыў Лукашэнку ўезд. Ён туды ўжо другі месяц нібы едзе, але ніяк не даедзе. Цяпер ён просіцца і да Дональда Трампа ў Амерыку, але Лукашэнка нікому не патрэбны. Аб чым з ім можна гутарыць? Пытанне рытарычнае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com