У мітрапаліта Тадэвуша Кандрусевіча пагоршылася здароўе

У Менску пройдзе малітва за ягонае выздараўленне.

10 сакавіка стала вядома аб значным пагаршэнні стану здароўя 79-гадовага ганаровага мітрапаліта Мінска-Магілёўскага арцыбіскупа Тадэвуша Кандрусевіча, які пакутуе ад анкалагічнага захворвання (меланома), паведаміла Мінска-Магілёўская архідыяцэзія Рымска-каталіцкага касцёла ў Беларусі.

Яна запрасіла вернікаў на малітву за акрыянне Папы Рымскага Францішка і Тадэвуша Кандрусевіча, які знаходзіцца ў лякарні з 14 лютага. Імша адбудзецца а15.00 13 сакавіка, у дзень 12-й гадавіны абрання Францішка, у архікатэдральным касцёле імя Найсвяцейшай Панны Марыі ў Менску на плошчы Свабоды. Узначаліць набажэнства арцыбіскуп Юзаф Станеўскі, дзейны мітрапаліт Мінска-Магілёўскі.

88-гадовы Папа Францішак з 14 лютага таксама знаходзіцца ў шпіталі ў цяжкім стане.

Кандрусевіч узначальваў Мінска-Магілёўскую архідыяцэзію з 2007 года, з сярэдзіны 2015-га быў старшынёй Канферэнцыі каталіцкіх біскупаў Беларусі. Папа рымскі Францішак прыняў адстаўку герарха ў дзень ягонага 75-годдзя, 3 студзеня 2021 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com