Двое «электрыкаў» больш за гадзіну катавалі праграміста ў ягонай кватэры ў Менску

Вымагалі крыптавалюту на мільярд рублёў.

Менскі праграміст стаў ахвярай замоўнага разбою. У яго вымагалі крыптавалюту на вялікую суму, паведамляе прэс-служба Следчага камітэта.

Здарэнне адбылося ў сярэдзіне жніўня мінулага года. У кватэру сталічнага праграміста патэлефанавалі два «электрыкі» і сказалі, што трэба праверыць лічыльнікі.

Псеўдаэлектрыкі начапілі на менчука кайданкі і сталі патрабаваць у яго крыптавалюту на агульную суму больш за мільярд рублёў. Пры гэтым яму пагражалі пісталетам і электрашокерам, а таксама ін'екцыяй наркатычных сродкаў. Нападнікі катавалі менчука больш за гадзіну. Потым яны далі яму 24 гадзіны для пераводу крыптавалюты на электронны кашалёк і ўцяклі, забраўшы з сабой тэлефон.

Следчыя завялі крымінальную справу. Яны ўстанавілі, што ў пацярпелага была крыптавалюта, але не ў такіх вялікіх аб'ёмах. У СК прыйшлі да высновы, што напад быў замоўленым. Планаванне і падрыхтоўка нападзення вяліся некалькі месяцаў. Нападнікі выконвалі меры канспірацыі і засцярогі, планавалі шляхі адыходу.

"Падчас аператыўна-вышуковых мерапрыемстваў удалося ўстанавіць асобы выканаўцаў замоўнага нападу, імі былі грамадзяне Беларусі (56 і 57 гадоў), адзін з якіх з крымінальным мінулым", — заявілі ў СК.

56-гадовага падазраванага затрымалі. Ён прызнаўся ў зробленым і супрацоўнічае са следствам. Мужчына паказаў, дзе яны выкінулі пнеўматычны пісталет з глушыцелем, а таксама кайданкі.

Другі фігурант справы ўцёк у Польшчу аўтаспынамна на наступны дзень пасля нападу. Яму выставілі абвінавачванне завочна і абвясцілі ў міжнародны вышук.

Следчыя звярнулі ўвагу, што ў кватэры праграміста была вялікая сума грошай і дарагая маёмасць. Але нападнікі патрабавалі менавіта крыптавалюту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com