Спыненне агню ва Украіне: ЗША будуць кантактаваць з РФ сёння

Пра гэта заявіў дзяржсакратар Марка Рубіё.

Дзяржсакратар ЗША Марка Рубіё заявіў, што ЗША "будуць кантактаваць" з Расеяй ужо 12 сакавіка. Размова з расейскай стараной стане наступным крокам у кантэксце сустрэчы ЗША і Украіны ў Савудаўскай Арабіі.

Пра гэта паведамляе The Guardian.

Так, Рубіё заявіў, што ЗША "будуць кантактаваць з расейцамі" сёння.

Паводле ягоных слоў, ЗША спадзяюцца атрымаць станоўчы адказ ад Расеі і "настойліва заклікаюць расейцаў спыніць усе вайсковыя дзеянні".

"Вайсковага развязання гэтага канфлікту не існуе", - сказаў ён.

Рубіё таксама пацвердзіў, што на перамовах у аўторак, 11 сакавіка, у Джыдзе (Савудаўская Арабія) абмяркоўвалася, "як будзе выглядаць перамоўны працэс", і былі "размовы аб тэрытарыяльных саступках".

11 сакавіка ў Савудаўскай Арабіі прайшла сустрэча дэлегацый Украіны і ЗША. Перамовы адбыліся ў Джыдзе і працягваліся восем гадзін.

Падчас сустрэчы была дасягнутая дамоўленасць аб спыненні агню на 30 дзён, а таксама аб аднаўленні паставак вайсковай дапамогі ЗША, а таксама абмене выведвальнымі звесткамі.

На гэты момант увядзенне рэжыму спынення агню залежыць ад РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com