Расейскіх прапагандыстаў выгналі з Грэцыі

Яны там знаходзіліся з 2004 года.

Агенцтва РІА «Новости», якое распаўсюджвае прапаганду Крамля, абвясціла аб закрыцці свайго карэспандэнцкага пункта ў Грэцыі, паведамляе The Moscow Times.

У агенцтве адзначылі, што не змогуць працягваць працу ў краіне пасля таго, як грэцкае Міністэрства замежных спраў адмовілася падоўжыць акрэдытацыю яго шэф-карэспандэнту Генадзю Мельніку.

«Летась акрэдытацыю працягнулі з затрымкай, а цяпер супрацоўніца ўправы міжнародных грамадскіх сувязяў паведаміла, што станоўчага адказу не будзе. Даць «дэталі пастановы» і растлумачыць яе прычыны яна не змагла», - паведамілі ў РІА «Новости».

Карпункт агенцтва адкрыўся ў Афінах напярэдадні Алімпійскіх гульняў у 2004 годзе. Пры гэтым апошнія тры гады ўрад Грэцыі абмежаваў дзейнасць РІА «Новости» і не дапускаў на некаторыя мерапрыемствы, у тым ліку міжнародныя. Пасля ўварвання расейскага войска ва Украіну карэспандэнту агенцтва больш чым на год забаранілі наведваць прэс-канферэнцыі грэцкага МЗС. Таксама ў 2022 годзе Грэцыя заблакавала рэсурсы медыягрупы «Россия сегодня», у якую ўваходзіць РІА «Новости», Sputnik і RT. У снежні мінулага года ў краіне пачалі блакаваць тэлеграм-канал расейскага агенцтва праз парушэнне мясцовага заканадаўства.

Еўразвяз увёў санкцыі супраць РІА «Новости» ў чэрвені 2024 года. Разам з агенцтвам тады пад абмежаванні патрапілі «Известия», «Российская газета» і звязаны з Расеяй партал Voice of Europe, які базаваўся ў Чэхіі. Да гэтага ЕЗ забараніў трансляваць і распаўсюджваць кантэнт Sputnik, RT, «Царьград», «Спас», МІА «Россия сегодня», Oriental Review, New Eastern Outlook і «Катехон». Тыя ж захады былі ўжытыя ў стаўленні RT English, RT UK, RT Germany, RT France, RT Spanish. Таксама ліцэнзій на вяшчанне ў Еўропе пазбавіліся НТВ, «Россия 1», Первый канал і Рэн-ТВ.

У рамках 16-га пакета санкцый у дачыненні да Расеі, прынятага ў лютым гэтага года, ЕЗ забараніў яшчэ восем расейскіх СМІ. Дарэчы, абмежаванні закранулі выданні: EADaily, «Лента», News Front, RuBaltic, «Южный Фронт», «Фонд стратегической культуры» и «Красная звезда».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com