Reuters: Расея выклала ЗША патрабаванні для перамоў аб Украіне

Яны падобныя да ўмоў, раней прадстаўленых ЗША.

Расея прадставіла ЗША спіс патрабаванняў для ўкладання пагаднення аб спыненні вайны супраць Украіны і перазагрузкі стасункаў з Вашынгтонам, піша Reuters са спасылкай на ўласныя крыніцы.

Са звестак крыніц выдання, расейскія і амерыканскія чыноўнікі абмяркоўвалі гэтыя ўмовы падчас асабістых і віртуальных гутарак на працягу апошніх трох тыдняў.

Пры гэтым крыніцы назвалі ўмовы Крамля "шырокімі і падобнымі да патрабаванняў, якія ён раней выстаўляў Украіне, ЗША і NАТО", піша Reuters.

Раней гэтыя ўмовы ўключалі адмову Украіны ад сяброўства ў NАТО, пагадненне аб неразмяшчэнні замежных войскаў на тэрыторыі Украіны і міжнароднае прызнанне заявы прэзідэнта Уладзіміра Пуціна аб тым, што Крым і чатыры ўкраінскія вобласці належаць Расеі.

Прэзідэнт ЗША Дональд Трамп зараз чакае ад Пуціна адказу на пытанне, ці пагодзіцца ён на 30-дзённае замірэнне, якое, як заявіў у аўторак прэзідэнт Украіны Уладзімір Зяленскі, ён прыме ў якасці першага кроку да мірных перамоў.

Прыхільнасць Пуціна патэнцыйнай дамове аб спыненні агню пакуль незразумелая, і дэталі яшчэ трэба ўдакладніць. Пры гэтым некаторыя амерыканскія чыноўнікі, заканадаўцы і экспэрты асцерагаюцца, што Пуцін скарыстаецца замірэннем, каб узмацніць, на іх думку, спробу падзяліць ЗША, Украіну і Еўропу і падарваць усе перамовы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com