G7 рыхтуецца выставіць Расеі ультыматум

Супраць Крамля могуць быць уведзеныя новыя санкцыі.

У канадскім Шарлевуа закончылася нарада міністраў замежных спраў краін "Вялікай сямёркі"

Міністры замежных спраў краін "Вялікай сямёркі" - Вялікабрытаніі, Нямеччыны, Італіі, Канады, Францыі, Японіі і ЗША - а таксама прадстаўнік Еўразвязу, выступілі з супольнай заявай аб выніках сустрэчы ў Шарлевуа, Канада, паведамляе "Голас Амерыкі".

Чальцы G7 пацвердзілі нязменную падтрымку Украіны, якая абараняе сваю тэрытарыяльную цэласнасць, свабоду, суверэнітэт і незалежнасць.

Кіраўнікі МЗС «Вялікай сямёркі» віталі працяглыя намаганні ў дасягненні спынення агню, і сустрэчу 11 сакавіка паміж прадстаўнікамі ЗША і Украіны ў Савудаўскай Арабіі, а таксама прыхільнасць Украіны да неадкладнага спынення агню.

Дзяржсакратар Марка Рубіё заявіў, выступаючы на прэс-канферэнцыі напярэдадні сустрэчы, што ЗША "зрабілі добрую справу для ўсяго свету, прасунуўшы гэты працэс, і зараз мы ўсе з нецярпеннем чакаем адказу Расеі і настойліва заклікаем іх разгледзець магчымасць спынення ўсіх баявых дзеянняў, каб людзі перасталі гінуць, каб кулі перасталі лётаць".

"Я думаю, што першым крокам ва ўсім гэтым з'яўляецца прызнанне таго, што вайсковага развязання гэтага канфлікту не існуе", - падкрэсліў Рубіё, дадаўшы, што пакуль абмеркаванне тычылася ў асноўным таго, як перагаворны працэс будзе выглядаць не з пункту гледжання канкрэтных умоў замірэння, а ў асноўным тэрмінаў правядзення перамоў і ажыццяўлення далейшых крокаў.

Адказваючы на пытанне аб прадастаўленні Украіне гарантый бяспекі, Рубіё выказаў меркаванне, што праблема палягае "хутчэй у стрымліванні".

«Ці можа Украіна стварыць дастатковы стрымальны чыннік супраць будучай агрэсіі, супраць будучага нападу, супраць будучага ўварвання? Бо кожная краіна ў свеце мае права на самаабарону, і ніхто не можа гэтага аспрэчваць. І гэта, безумоўна, павінна стаць часткай размовы», - падкрэсліў кіраўнік Дзярждэпартамента.

Краіны G7 заклікалі Расею пагадзіцца на спыненне агню на роўных умовах і поўнасцю яго выканаць. На сустрэчы абмяркоўвалася пытанне аб накладанні на Расею дадатковых выдаткаў у выпадку, калі спыненне агню не будзе ўзгоднена, у тым ліку - з дапамогай далейшых санкцый, абмежавання цэн нафты, а таксама дадатковай падтрымкі Украіны і іншых сродкаў. Гэтыя санкцыі прадугледжваюць і выкарыстанне даходаў ад замарожаных расейскіх суверэнных актываў.

У заяве падкрэсліваецца важнасць мер умацавання даверу ў рамках спынення агню, у тым ліку вызваленне ваеннапалонных і затрыманых - як вайсковых, так і цывільных грамадзян - і вяртанне ўкраінскіх дзяцей.

Краіны G7 асудзілі прадастаўленне Расеі вайсковай дапамогі з боку КНДР і Ірана, а таксама пастаўку зброі і кампанентаў падвойнага прызначэння з боку Кітая.

У заяве прызнаецца неад'емнае права Ізраіля на самаабарону і заклікаецца да вызвалення ўсіх закладнікаў і вяртання астанкаў закладнікаў, якія ўтрымліваюцца ХАМАС у Газе. Чальцы G7 падтрымалі і аднаўленне бесперашкоднай дастаўкі гуманітарнай дапамогі ў Газу і бестэрміновае спыненне агню.

Кіраўнікі МЗС "Вялікай сямёркі" выказалі падтрымку народам Сірыі і Лібана, якія робяць намаганні па пабудове мірнай і стабільнай палітычнай будучыні. У заяве падкрэсліваецца, што галоўнай крыніцай рэгіянальнай нестабільнасці з'яўляецца Іран і што "яму ні ў якім разе нельга дазволіць распрацаваць... ядзерную зброю".

У дакуменце падкрэсліваецца важнасць падтрымання міру і стабільнасці ў раёне Тайванскага праліва і Паўднёва-Кітайскага мора. Выяўляецца занепакоенасць з нагоды нарошчвання ваеннага патэнцыялу Кітая і павелічэння яго ядзернага арсенала.

«Мы выказалі занепакоенасць з нагоды нярынкавай палітыкі і практыкі Кітая, якія прыводзяць да шкоднага лішку вытворчых магутнасцяў і рынкавых скажэнняў, - гаворыцца ў заяве. - Мы таксама заклікалі Кітай устрымацца ад прыняцця мер экспартнага кантролю, якія могуць прывесці да значных парушэнняў у ланцужку паставак».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com