Мэркель заявіла аб замілаванні Трампа Расеяй

Пры гэтым экс-канцлер ФРГ падкрэсліла, што прэзідэнт ЗША не будзе аказваць Расеі "якія-небудзь паслугі".

Прэзідэнт ЗША Дональд Трамп зачараваны Расеяй як магутнай і аўтарытарнай дзяржавай, заявіла былая канцлерка Нямеччыны Ангела Мэркель у інтэрв'ю газеце Berliner Zeitung.

Так яна адказала на пытанне журналістаў аб падабенстве Трампа і расейскага дыктатара Уладзіміра Пуціна.

«Расея - велізарная краіна з мноствам прыродных рэсурсаў, магутная ядзерная дзяржава з аўтарытарным прэзідэнтам. І ў такога чалавека, як Дональд Трамп, гэтая краіна відавочна выклікае пэўнае замілаванне», — сказала Мэркель.

Экс-канцлерка падкрэсліла, што Трамп не будзе аказваць Расеі "якія-небудзь паслугі". У першую чаргу рэспубліканца хвалююць інтарэсы ўласнай краіны і планы зрабіць Амерыку "зноў вялікай", адзначыла Мэркель.

На думку палітыка, у Пуціна і Трампа няма падобных рыс. Расейскі дыктатар "хоча прызнання, асабліва з боку Амерыкі", уважае Мэркель. Гэты лад мыслення, з ейных слоў, бярэ пачатак з часоў халоднай вайны. «Для яго значнымі сіламі з'яўляюцца не Нямеччына і не ЕЗ, а сапраўды вялікая дзяржава - Злучаныя Штаты Амерыкі. Яны былі і застаюцца яго пунктам адліку», - уважае яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com