Карупцыйны скандал: кітайская карпарацыя падкупляла чальцоў Еўрапарламента
7- 16.03.2025, 12:44
- 4,708

Размова ідзе аб лабістах тэхналагічнага гіганта Huawei.
Прадстаўнікам кітайскай кампаніі Huawei адмоўлена ў доступе ў Еўрапейскі парламент у Брусэлі. Гэта наступствы новага карупцыйнага скандалу. Аб гэтым паведамілі бельгійскія СМІ Le Soir і Knack, а таксама партал Follow the Money, паведамляе «Польскае радыё».
Паводле звестак «Рэестра празрыстасці» Еўрапейскага парламента, цяпер у кітайскага тэхналагічнага гіганта ёсць дзевяць акрэдытаваных прадстаўнікоў. Кіраўніцтва Еўрапарламента забараніла ім уваход у будынак, спаслаўшыся на захады засцярогі.
Пастанова была прынятая на наступны дзень пасля паведамленняў аб тым, што лабісты, якія працуюць на кітайскую кампанію, падкуплялі дзейных і былых чальцоў Еўрапарламента, каб палепшыць імідж Huawei ў ЕЗ. Размова ідзе аб дарагіх падарунках, квітках на матчы і раскошных паездках у Кітай.
У Еўрапейскім парламенце ў Брусэлі бельгійская паліцыя апячатала два офісы памочнікаў дэпутатаў Еўрапарламента ад Італіі і Балгарыі. У рамках спецаперацыі бельгійскіх спецслужбаў сотні паліцыянтаў правялі ператрусы і затрыманні па 21-му адрасу ў Бельгіі, Партугаліі і Францыі.
La Eurocámara prohíbe la entrada en sus edificios a representantes del gigante tecnológico chino Huawei entre sospechas de corrupción.https://t.co/mdMgUzh8kb pic.twitter.com/x0youD1QTa
— EFE Noticias (@EFEnoticias) March 14, 2025