Ключавым інжынерам ШІ DeepSeek забаранілі выезд з Кітая

Праект абвешчаны нацыянальным здабыткам.

Кіраўніцтва DeepSeek, на загад улад Кітая, запатрабавала ад некаторых ключавых супрацоўнікаў здаць замежныя пашпарты, паведамляе The Information; пераклад артыкула прыводзіць Habr. Праект DeepSeek быў абвешчаны нацыянальным здабыткам і зараз знаходзіцца пад узмоцненай аховай.

Абмежаванне на выезд за межы краіны прынятае для таго, каб прадухіліць выцек канфідэнцыйнай інфармацыі, якая можа змяшчаць камерцыйную ці нават дзяржаўную таямніцу. Паведамляецца, што нават тыя супрацоўнікі, якія не здалі пашпарты, сутыкнуліся з абмежаваннямі на паездкі.

«DeepSeek зараз дзейнічае ва ўмовах жорсткіх абмежаванняў, усталяваных урадам. Некаторым супрацоўнікам забаронена свабодна выязджаць за мяжу, а праверка патэнцыйных інвестараў зараз уключае ўдзел кітайскіх улад. Кіраўніцтва кампаніі строга выконвае гэтыя абмежаванні, даручыўшы матчынаму хэдж-фонду High-Flyer захоўваць пашпарты асобных працаўнікоў. Гэтыя меры былі ўведзеныя праз некалькі тыдняў пасля таго, як стала вядома, што кітайскія ўлады рэкамендуюць спецыялістам у сферы ШІ пазбягаць паездак у ЗША, асцерагаючыся выцекаў камерцыйнай інфармацыі», - адзначае The Information.

Са звестак аналітыкаў Bloomberg, рост папулярнасці нейрасеткі DeepSeek выклікаў падвышаную цікавасць інвестараў да кітайскага фондавага рынку, асабліва да тэхналагічнага сектара. За апошні месяц у яго было ўкладзена амаль 1,3 трлн. даляраў, у тым ліку з боку буйных хэдж-фондаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com