Беларуса пазбавілі прэміі за адмову ўдзельнічаць у конкурсе

Працадаўца ўпіраў на тое, што гэта працоўны абавязак.

Майстар вытворчага навучання адной з навучальных установаў Берасцейскай вобласці адмовіўся ўдзельнічаць у конкурсе, за што яго пазбавілі прэміі. Працадаўца настойваў, што ён не выканаў працоўныя абавязкі, але ў прафзвязнай арганізацыі патлумачылі, што адміністрацыя паступіла не паводле закону.

Наймальнік абгрунтаваў пазбаўленне супрацоўніка прэміі тым, што ён нібыта парушыў працоўныя абавязкі, адмовіўшыся ўдзельнічаць у конкурсе.

Згодна з заканадаўствам, за невыкананне працоўных абавязкаў сапраўды можа надысці дысцыплінарная адказнасць. Аднак узнікла пытанне: ці з'яўляецца ўдзел у конкурсе часткай працоўных абавязкаў?

Прававая інспектарка працы Берасцейскай абласной арганізацыі прафзвязу «БЕЛПРАФМАШ» Алеся Козак патлумачыла, што парушэнне працоўных абавязкаў – гэта невыкананне заканадаўства, правілаў унутранага працоўнага распарадку, умоваў працоўнай дамовы, службовых інструкцый, загадаў працадаўцы ды іншых нарматыўных дакументаў.

Аднак удзел у конкурсе не адносіцца да працоўных абавязкаў – гэта ўважаецца за грамадскае даручэнне. Калі супрацоўнік адмаўляецца выконваць задачы, якія не ўваходзяць у ягоныя службовыя абавязкі, або адмаўляецца ад грамадскіх даручэнняў, караць яго за гэта нельга, а ўжываць дысцыплінарнае спагнанне – неправамерна.

У выніку загад аб пазбаўленні майстра прэміі быў прызнаны незаконным і скасаваны. Працаўніку вярнулі ўтрыманую суму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com