Навукоўцы вызначылі магчымых сваячак Еўфрасінні Полацкай

Як гэта магчыма.

Археалагічныя даследаванні на тэрыторыі Спаса-Праабражэнскага храма ў Полацку дазволілі вызначыць магчымых сваячак Еўфрасінні Полацкай.

Каля сценаў царквы археолагі знайшлі саркафаг з мноствам костак і некалькімі жаночымі чарапамі.

«Марфалогія іх паказала: гэтыя жанчыны не зусім падобныя на насельніцтва, пахаванае ля сценаў храма ў XVII–XVIII стагоддзях. Але тады ці магчыма датаваць чарапы XII стагоддзем? Каб было так, яны маглі належаць прадстаўнікам княжацкага роду Рагвалодавічаў – Рурыкавічаў... Гэта значыць, быць роднай крывёй для найпадобнейшай Еўфрасінні», – расказала антрапалагічка Вольга Емяльянчык sb.by.

Пацвердзіць гэта не так проста. Парэшткі былі пераадкладзеныя, гэта значыць, вынятыя з першапачатковага месца пахавання, і аналізы не давалі пераканальных вынікаў.

Але пры чарговых раскопках навукоўцам пашанцавала: на тэрыторыі храма знайшлі закрыты саркафаг XII стагоддзя, у якім быў непашкоджаны жаночы шкілет.

Супрацоўнікі Полацкага ўніверсітэта надумалі звязаць гэтую знаходку з чарапамі, якія былі выяўленыя раней. Пры дапамозе расейскіх даследнікаў, якія правялі генетычны аналіз, высветлілася, што жанчыны цесна паміж сабой звязаныя. Гаворка ідзе пра ўзровень «дачка – маці – сястра».

Паводле словаў Вольгі Емяльянчык, высокая верагоднасць, што яны сваячкі Еўфрасінні Полацкай. На гэта ўказваюць некалькі фактаў. У самім жыціі прападобнай сказана, што ўслед за ёй манаства прынялі родная і стрыечная сёстры, пляменніцы.

Таксама расейскія навукоўцы ў лабараторыі антрапалагічнай рэканструкцыі аднавілі з чарапоў твары, генетычны аналіз «падказаў» колер вачэй і валасоў. Чатыры жанчыны пры жыцці былі блакітнавокімі бландзінкамі. Так маглі праявіцца скандынаўскія карані прадстаўніцаў княжацкага роду Рагвалодавічаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com