The Guardian: Вялікая Брытанія адказала Пуціну

Лондан будзе падтрымліваць Украіну, нягледзячы на патрабаванні Крамля.

Вялікая Брытанія не спыніць пастаўкі ўзбраення Украіне і навучанне ўкраінскіх вайскоўцаў, нягледзячы на патрабаванні Крамля аб скасаванні замежнай вайсковай дапамогі Кіеву для дасягнення міру.

Аб гэтым піша The Guardian, спасылаючыся на суразмоўцаў у брытанскай абароннай сферы.

У Брытаніі падкрэслілі, што пазіцыя краіны не змянілася, і плынь вайсковай дапамогі коштам 4,5 млрд фунтаў стэрлінгаў сёлета (больш за 5 млрд даляраў) - «не спыніцца толькі таму, што гэтага патрабуе Крэмль».

19 сакавіка міністр замежных спраў Вялікай Брытаніі Дэвід Лэмі паведаміў, што яго краіна і Еўрапейскі Звяз вядуць перамовы аб паскарэнні паставак зброі ва Украіну на фоне размоваў аб патэнцыйным часовым спыненні агню.

Лэмі паведаміў, што абмеркаваў з кіраўніцай дыпламатыі ЕЗ Каяй Калас магчымасць адправіць ва Украіну дадатковыя вайсковыя пастаўкі да таго, як будзе дасягнутае шырокае часовае спыненне агню.

18 сакавіка пасля размовы прэзідэнта ЗША Дональда Трампа з расейскім дыктатарам Уладзімірам Пуціным у Крамлі заявілі аб патрабаванні спыніць вайсковую дапамогу і абмен выведзвесткамі з Украінай.

Пазней Трамп заявіў, што Пуцін не выстаўляў патрабаванняў аб спыненні дапамогі Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com