Польшча плануе замінаваць мяжу з Беларуссю

Намеснік міністра абароны Польшчы заявіў, што сітуацыя на мяжы сур'ёзная.

У Польшчы хочуць размясціць супрацьпяхотныя міны на межах з Беларуссю і РФ у рамках праекту «Усходні шчыт».

Пра гэта ў эфіры RMF24 заявіў намеснік міністра абароны Польшчы Павел Бэйда.

Ягоныя словы прагучалі на фоне таго, як Літва, Латвія, Эстонія і Польшча абвясцілі ў аўторак пра намер выйсці з Атаўскай канвенцыі аб забароне супрацьпяхотных мінаў.

«У нас няма іншага выйсця. Сітуацыя на мяжы сур'ёзная. Я кажу пра польска-беларускую і польска-расейскую мяжу… Гэта будзе адным з элементаў “Усходняга шчыта”», – сказаў Бэйда.

Паводле ягоных словаў, у Польшчы няма супрацьпяхотных мінаў, але ёсць «магчымасці іх зрабіць».

«Гэта будуць рабіць (вырабляць міны. – Рэд.) заводы Польскай узброенай групы, але я не хачу ўдавацца ў дэталі. Гаворка ідзе пра замову на некалькі сотняў тысячаў, можна гаварыць пра мільён (штук. – Рэд.)», – сказаў Бэйда.

Каментуючы намер краінаў Балтыі і Польшчы выйсці з канвенцыі, якая забараняе супрацьпяхотныя міны, кіраўнік МЗС Эстоніі Маргус Тсахкна назваў няправільным тое, што «мы забараняем сабе выкарыстоўваць зброю, якую Расея гатова выкарыстоўваць супраць нас».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com