Інфляцыя ў еўразоне скарацілася да 2,3 адсотка

Самая нізкая інфляцыя – у Францыі, Ірландыі і Фінляндыі.

Рост спажывецкіх коштаў у краінах еўразоны ў лютым замарудзіўся да 2,3%. Еўрапейская статыстычная ўстанова ў Люксембургу ў сераду, 19 сакавіка, злёгку скарэктавала сваю першапачатковую ацэнку гэтага паказніка ў сувязі з ніжэйшым за чаканы ўзровень інфляцыі ў Нямеччыне – 2,6% замест 2,8%.

Разам з тым ён па-ранейшаму вышэйшы, чым зададзены Еўрапейскім цэнтрабанкам мэтавы паказнік на ўзроўні 2,0 адсотка. Пры гэтым найбольш нізкія тэмпы інфляцыі сярод краінаў еўра зафіксаваныя ў Францыі (0,9 адсотка), Ірландыі (1,4 адсотка) і Фінляндыі (1,5 адсотка), самыя высокія – у Эстоніі (5,1 адсотка), Харватыі (4,8 адсотка) і Бельгіі (4,4 адсотка). Ва ўсім Еўразвязе гэты паказнік склаў 2,7 адсотка.

Асабліва моцна выраслі ў краінах Еўрагрупы кошты паслуг (3,7 адсотка), а таксама прадуктаў харчавання, алкагольных напіткаў і тытунёвых вырабаў (2,7 адсотка). У сваю чаргу кошты энэрганосьбітаў узняліся толькі на 0,2 адсотка, што стала прычынай зніжэння агульных тэмпаў інфляцыі.

Яшчэ ў студзені спажывецкія кошты ў еўразоне павялічыліся на 2,5% у параўнанні з тым жа месяцам 2024 года. Еўрастат выкарыстоўвае іншыя метады падліку паказнікаў інфляцыі, чым Федэральная статыстычная ўстанова Нямеччыны. У Вісбадэне раней паведамілі, што інфляцыя ў лютым склала 2,3%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com