Супраць прэм'ера Антыгуа і Барбуда, які хваліў Пуціна, пачалі расследаванне ў ЗША

Гастан Браўн прыязджаў на Пецярбургскі эканамічны форум.

Федэральны суддзя ў Нью-Ёрку выдаў дазвол адвакатам дачкі мільярдэра Андрэя Гур'ева, Юліі Гур'евай-Малахавай, на доступ да фінансавых дакументаў прэм'ера Антыгуа і Барбуда Гастона Браўна і іншых людзей, якія маюць дачыненне да продажу 81-метровай мегаяхты Alfa Nero. Ёю валодала сям'я Гур'ева. Адвакаты хочуць запытаць плацяжы ў продажы яхты за пяць гадоў з Федэральнага рэзервовага банка Нью-Ёрка і кампаніі Clearing House Payments. «Фінансавыя справаздачы скажуць усё за сябе», – сказаў юрыст Гур'евай Марцін Дэ Лука. Ён расследуе незаконныя аперацыі ў мэтах асабістага ўзбагачэння датычных да ўгоды. Лідары апазіцыі Антыгуа і Барбуда таксама запатрабавалі прадставіць інфармацыю, як былі выдаткаваныя сродкі.

Браўн не згодны з абвінавачваннямі: «Заява пра згубу $ 10 млн з прыбытку з'яўляецца выдумкай», – напісаў прэм'ер у паведамленні ABC. У адказ ён абвінаваціў Гур'еву-Малахаву ў паклёпе. У ліпені 2024 года жонка Браўна, Марыя Браўн, міністарка будаўніцтва краіны, паведаміла, што грошы пайшлі на выплату дзяржпазыкі. За некалькі дзён да гэтага Браўн заявіў, што выдаткаваў грошы на будаўніцтва курорта. Куды былі выдаткаваныя сродкі насамрэч, да гэтага часу невядома. Следчыя паведамілі, што дакументы аб продажы «больш не даступныя, паколькі, відаць, зніклі».

У ліпені 2024 года Браўн прадаў яхту за $40 млн уладальнікам турэцкай кампаніі Yildirim Group. Ацэначны кошт карабля складаў $120 млн. Былы гендырэктар Google Эрык Шміт прапаноўваў за яе $67 млн, але адмовіўся ад угоды. Дачка мільярдэра мяркуе, што продаж незаконны, і сцвярджае, што ўладальніцай мегаяхты з'яўлялася менавіта яна. У жніўні 2022 года Мінфін ЗША ўвёў санкцыі супраць Андрэя Гур'ева, заявіўшы, што ён з'яўляецца часткай групы «элітаў, звязаных з Крамлём» і «вядомым блізкім паплечнікам» Уладзіміра Пуціна. Таксама ў ЗША быў прыняты закон, які дазваляе прадаваць актывы для наступнай перадачы грашовых сродкаў на дапамогу Украіне.

Сам Браўн пры гэтым з'яўляецца прыхільнікам Расеі ў канфлікце і быў рэдкім лідарам, які прыязджаў на Пецярбургскі эканамічны форум. «Калі б я быў украінскім лідарам, я не падвяргаў б свой народ і сваю краіну разбурэнням, якія суправаджаюць удзел у NATO», – казаў у пачатку гэтага года Браўн. Ён не верыць, што Уладзімір Пуцін пачаў вайну з мэтай анэксіі ўкраінскай тэрыторыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com