Стармер абвясціў аб чатырох кроках у наданні дапамогі Украіне

Яны былі ўзгодненыя на саміце ў Лондане.

У Лондане закончыўся саміт еўрапейскіх лідараў у падтрымку Украіны, паведамляе ВВС. Са слоў прэм'ер-міністра Вялікабрытаніі Кіра Стармера, лідары на саміце ў Лондане ўзгаднілі чатыры важныя крокі:

- Працягваць надаваць Украіне вайсковую дапамогу, пакуль ідзе вайна, і ўзмацніць эканамічны ціск на Расею.

- Кожны трывалы мір павінен забяспечыць суверэнітэт і бяспеку Украіны, і Украіна павінна быць за сталом перамоў.

- У выпадку ўкладання мірнага пагаднення еўрапейскія лідары будуць імкнуцца прадухіліць усялякае ўварванне Расем ва Украіну ў будучыні.

- Будзе створаная "кааліцыя ахвочых" для абароны Украіны і гарантавання міру ў краіне.

Кір Стармер таксама пацвердзіў абавязкі Вялікабрытаніі падтрымаць намаганні еўрапейскіх краін "ботамі на зямлі і самалётамі ў паветры". “Еўропа павінна зрабіць цяжкую працу”, - сказаў ён, нагадаўшы пры гэтым, што пагадненне мае патрэбу ў падтрымцы ЗША: “Дазвольце мне дакладна заявіць, што мы згодныя з Трампам у дачыненні да тэрміновай неабходнасці ўсталявання трывалага міру. Цяпер нам трэба разам дамагацца гэтага”.

"Я не згодны з тым, што ЗША — ненадзейны супольнік, няма дзвюх так шчыльна звязаных адна з адной краін", — сказаў прэм'ер, адказваючы на пытанні прэсы. З ягоных слоў, удзельнікі саміту зыходзілі з таго, што «гэта план, над якім мы працуем разам з ЗША і пры падтрымцы ЗША. Менавіта таму я размаўляў з Трампам учора ўвечары”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com