Хусіты запусцілі балістыку па аэрапорце каля Тэль-Авіва
- 20.03.2025, 9:37
- 2,862
Ізраіль сцвярджае аб перахопе.
Ізраільскія вайскоўцы заявілі, што перахапілі ракету, якая была запушчаная раніцай у чацвер з Емена. Раней хусіты ўзялі на сябе адказнасць, адзначыўшы, што запусцілі балістыку па аэрапорце каля Тэль-Авіва.
Пра гэта паведамляе Reuters.
«Ракета, запушчаная з Емена, была перахопленая ВПС Ізраіля да таго, як яна перасекла тэрыторыю Ізраіля. Сірэны былі ўключаныя ў адпаведнасці з пратаколам», - гаворыцца ў заяве ізраільскіх вайскоўцаў.
Перад гэтым баевікі-хусіты з Емена, нягледзячы на хвалі амерыканскіх удараў, якія пачаліся ў суботу, выпусцілі балістычную ракету ў бок аэрапорта Бэн-Гурыён недалёка ад Тэль-Авіва. Пра гэта паведаміў вайсковы прадстаўнік групы падчас тэлевізійнай заявы.
Нядаўна еменскія хусіты паабяцалі ўзмацніць свае атакі, у тым ліку накіраваныя на Ізраіль, у адказ на кампанію ЗША. Паведамлялася, што групоўка пашырыць кола сваіх цэдяў у гэтай краіне.
У той жа час Reuters адзначае, што ўдары ЗША па Емене, якія пачаліся ў суботу з-за нападаў па караблях у Чырвоным моры, гэта найбуйнейшая вайсковая аперацыя Вашынгтона на Блізкім Усходзе з моманту ўступлення на пасаду прэзідэнта ЗША Дональда Трампа ў студзені 2025 года. Вядома, што загінуў як мінімум 31 чалавек.
Таксама Трамп прыстрашыў у панядзелак прыцягнуць Іран да адказнасці за ўсе іншыя будучыя атакі хусітаў, папярэдзіўшы аб сур'ёзных наступствах. У адказ Рэвалюцыйная гвардыя Ірана заявіла, што хусіты незалежныя і прымаюць уласныя стратэгічныя і аператыўныя пастановы.
Агенцтва дадало, што з моманту пачатку вайны Ізраіля з ХАМАС у канцы 2023 года, хусіты здзейснілі больш за 100 нападаў на суднаходства, заяўляючы, што дзейнічаюць на знак салідарнасці з палестынцамі Газы. Напады ў сваю чаргу, парушылі сусветны гандаль і заахвоцілі амерыканскіх вайскоўцаў пачаць дарагую кампанію для перахопу ракет.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
