З Чырвонага касцёла ў Менску ўжо некалькі дзён вывозяць рэчы

Ад прыходу запатрабавалі вывезці нават арган.

Увесь тыдзень, з панядзелка 17 сакавіка, працягваецца вываз з закрытага Чырвонага касцёла ў Менску маёмасці парафіі святога Сымона і святой Алены. Нагадаем, вызваленне будынка ад усіх рэчаў было ўмовай улад для пачатку рамонту святыні, піша katolik.life.

Ад прыходу запатрабавалі вывезці цалкам усе рэчы, нават самыя грувасткія - гэта і лавы, і органы, і некалькі фартэпіяна, і вялікія іконы, і бібліятэку, і копію Турынскай плашчаніцы.

Як стала вядома вернікам, транспартаваннем займаецца сама парафія, маёмасць размяркоўваюць па іншых касцёлах, у тым ліку ў Менскім раёне, бібліятэка адвезена ў Хрысціянскі сацыяльны цэнтр.

Са слоў вернікаў, за тыя 2,5 гады, пакуль храм стаяў закрытым, некаторыя памяшканні сапраўды сталі патрабаваць рамонту — туды дабралася вільгаць, бо некалькі разоў прарывала водаправод, а ўлетку памяшканні ніхто не праветрываў і не адпампоўваў ваду са склепа пасля дажджоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com