Будынак «Polska Macierz Szkolna» ў Гародні хочуць аддаць консульству РФ

Гэта была адна з найбуйнейшых польскіх грамадскіх школ у свеце.

Расейскае консульства ў Гародні можа размясціцца ў будынку на Гараднічанскай, 40. Раней тут была «Polska Macierz Szkolna» і грамадскі ліцэй імя Элізы Ажэшкі. Аб гэтым піша Wirtualna Białoruś са спасылкай на свае крыніцы.

Выданне публікуе здымак будынка, на якім можна ўбачыць элементы інфраструктуры, характэрныя для консульства: будку аховы на ўваходзе, агароджу і сістэму відэаназірання.

Будынак польскай меншасці ў Гародні можа стаць расейскім консульствам.

Фота: wb24.org

Polska Macierz Szkolna дзейнічала з 1995 года. Гэта была адна са старэйшых польскіх арганізацый Беларусі і адна з найбуйнейшых польскіх грамадскіх школ у свеце. Пры ёй быў грамадскі ліцэй для вывучэння польскай мовы, гісторыі і культуры. Колькасць вучняў даходзіла да 2100 чалавек за год.

Акрамя таго пры Polska Macierz Szkolna працавала бібліятэка, універсітэт трэцяга ўзросту для паджылых людзей, клуб жанчын “Гараднянка” і іншыя ініцыятывы. Арганізацыя арганізоўвала метадычныя канферэнцыі для настаўнікаў школ і дзіцячых садоў, конкурсы для дзяцей і падлеткаў.

У 2021 годзе на хвалі ціску на грамадскія арганізацыі (у тым ліку аб'яднанні нацыянальных меншасцяў) Polska Macierz Szkolna абвінавацілі ў незаконнай дзейнасці ў сферы адукацыі. А ў 2022-м і ўвогуле ліквідавалі, налічыўшы ёй 300 тысяч рублёў штрафу і 500 тысяч рублёў нявыплачаных падаткаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com